Паводле даных газеты New York Times, якая пагутарыла з сямю асобамі, набліжанымі да венесуэльскага дыктатара Нікаласа Мадура, у яго асяроддзі пануе «атмасфера напружання і занепакоенасці».
Каб абараніцца ад магчымай кропкавай атакі або нападу спецназа, Мадура не затрымліваецца ў адным месцы і мяняе мабільныя тэлефоны. Ён узмацніў асабістую ахову і праз страх здрады больш спадзяецца на целаахоўнікаў з саюзнай Кубы.
Белы дом абвінавачвае Мадура ў тым, што ён стаіць на чале «наркатэрарыстычнага» картэля і залівае ЗША наркотыкамі. Ужо некалькі месяцаў Вашынгтон нарошчвае ціск на Венесуэлу, каб прымусіць Мадура пакінуць краіну.
Дыктатар, паводле даных Miami Herald, не згодны адправіцца ў выгнанне і патрабуе для сябе не толькі «поўнай амністыі», але і хоча захаваць кантроль над арміяй. Як паведамляюць крыніцы NYT, Мадура лічыць, што вытрымае ціск ЗША і захавае ўладу.
2 снежня прэзідэнт ЗША Дональд Трамп абвясціў, што гатовы да эскалацыі: «Мы будзем наносіць удары і на сушы. Мы ведаем, дзе яны жывуць. Мы ведаем, дзе жывуць зладзеі, і мы вельмі хутка пачнём».
Цяпер чытаюць
Бухі Ігар з Віцебска ўжо не ведае, як адбіцца ад падарункаў ад розных брэндаў. І ўжо звальняецца з завода21
Каментары
Вось як у Муамара Каддафі, вось гэта сапраўды страшна. Калі па ўсёй краіне возяць і кожны жыхар краіны выказвае свае "падзякі за плённую шматгадовую прэзідэнцкую працу".
Пасля гэтага нарэшце трапіць у халадзільнік і там спакойна паляжаць здаецца недасяжнай марай.