28—30 чэрвеня ўпраўленне Дзяржаўтаінспекцыі МУС Беларусі праводзіць агульнарэспубліканскую акцыю »ДАІ папярэджвае па‑добраму!».
Як паведамілі ва УДАІ МУС, акцыя скіравана на зніжэнне аварыйнасці, траўматызму на дарогах, папярэджанне дзіцячага транспартнага траўматызму, а таксама папярэджанне парушэнняў правілаў дарожнага руху, якія часцей за ўсё становяцца прычынам ДТЗ. Гэта: парушэнне кіроўцамі правілаў праезду пешаходных пераходаў; парушэнне правілаў праезду скрыжаванняў; пераход пешаходамі праезнай часткі ў неўстаноўленым месцы; парушэнне ПДР вадзіцелямі маршрутных транспартных сродкаў; парушэнне кіроўцамі хуткасных рэжымаў руху.
Паводле слоў суразмоўцы агенцтва, вадзіцелі, якія выконваюць ПДР, падчас акцыі »будуць атрымліваць прыемныя падарункі ад інспектараў».
За трое мінулых сутак на дарогах краіны зарэгістраваны 74 ДТЗ з пацярпелымі, у якіх 15 чалавек загінулі, у тым ліку дзіця, і 85 (4) — атрымалі траўмы. Смяротныя зыходы ДТЗ былі звязаны з наездам на пешаходаў, веласіпедыстаў і перашкодамі, лабавым сутыкненнем і перакульваннем.
Увечары 25 чэрвеня ў вёсцы Азярыцкая Слабада Смалявіцкага раёна 25‑гадовы мужчына, кіруючы «Мерседэсам», учыніў наезд на дзяўчынку 2006 года нараджэння з Мінска, якая перабягала праезную частку па‑за пешаходным пераходам.
Ад атрыманых траўм дзіця памерла.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары