Крызіс у беларуска-расейскіх адносінах паглыбляецца. Беларуская адміністрацыя лічыць учорашнія выказваньні прэзыдэнта РФ Уладзімера Пуціна «ўльтыматыўнымі» і «далёкімі ад сяброўскіх і саюзьніцкіх адносінаў».
Крызіс у беларуска-расейскіх адносінах паглыбляецца. Беларуская адміністрацыя лічыць учорашнія выказваньні прэзыдэнта РФ Уладзімера Пуціна «ўльтыматыўнымі» і «далёкімі ад сяброўскіх і саюзьніцкіх адносінаў».
«Улічваючы тон і абраную форму выкладаньня свайго стаўленьня да пэрспэктываў «саюзнага будаўніцтва», можна сказаць, што выказваньні Ўладзімера Пуціна носяць ультыматыўны характар», – заявіў быў у сераду галава камісіі ў міжнародных справах і нацыянальнай бясьпекі «рады рэспублікі» «нацыянальнага сходу» Беларусі Мікалай Чаргінец. Ён адзначыў, што ў адказ на гэтыя выказваньні Беларусь можа «разгледзець пытаньне пра далейшае знаходжаньне расейскіх вайсковых аб’ектаў на сваёй тэрыторыі».
Чаргінец адзначыў, што раней прэзыдэнт Расеі ўжо быў выступаў з заявамі наконт будаўніцтва «саюзнае дзяржавы», «прапаноўваючы Беларусі ўвайсьці ў склад Расейскай Фэдэрацыі, што сталася крокам непавагі да сувэрэнітэту Беларусі».
«Другім крокам колькі год таму было адлучэньне падачаў газу ў рэспубліку. І вось новая заява, якая сьведчыць аб тым, што расейскае кіраўніцтва ня вельмі зацікаўленае ў «саюзнай дзяржаве», – сказаў Чаргінец.
Як ён уважае, «праблемы з пастаўкамі на расейскі рынак беларускіх тавараў, фармаваньнем цаны на расейскі газ, мажлівае абмежаваньне паставак нафты знаходзяцца ў рэчышчы фактычна разьвязанай на сёньня гандлёвай вайны Расеі проці Беларусі».
«Такія дзеі далёкія ад саюзьніцкіх і сяброўскіх узаемінаў», – адзначыў парлямэнтар.
«Калі нам трымацца такой самай пазыцыі, якую дэманструе сёньня Расея, дык, можа, Беларусі сьлед было б разгледзець пытаньне пра далейшае знаходжаньне расейскіх вайсковых аб’ектаў на сваёй тэрыторыі», – дадаў беларускі парлямэнтар.
У той самы час ён заклікае ўспрымаць гэтыя заявы «спакойна, пакідаць месца для манэўру і не заганяць адно аднаго ў кут».
«Але, зь іншага боку, пазыцыя расейскага кіраўніцтва пануджае Беларусь вырахоўваць розныя варыянты ў пытаньнях захаваньня свайго сувэрэнітэту і эканамічнай бясьпекі», – сказаў Чаргінец.
Цяпер чытаюць
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы6
Каментары