Віктар Ганчарэнка: БАТЭ будзе гуляць з «Шэрыфам» на перамогу
«А з улікам таго, што ёсць шанц датэрмінова выйсці ў наступны раўнд, то матывацыя ў нас двайная».
Матч чацвёртага тура групавога этапу Лігі Еўропы з «Шэрыфам» (Ціраспаль), які пройдзе 4 лістапада на сталічным стадыёне «Дынама» (пачатак у 20.00), барысаўскі БАТЭ будзе гуляць на перамогу.
Пра гэта заявіў галоўны трэнер беларускага клуба Віктар Ганчарэнка 3 лістапада на
«Мы, як і заўсёды, рыхтуемся да гэтага матча з добрым настроем, — сказаў ён. — Для нас удзел у Лізе Еўропы УЕФА — сама па сабе добрая матывацыя.
А з улікам таго, што ёсць шанц датэрмінова выйсці ў наступны раўнд, то матывацыя ў нас двайная».
Ганчарэнка не стаў раскрываць тактыкі БАТЭ на гульню. «Мы ўмем гуляць як другім нумарам, гэтак і з пазіцыі сілы», — падкрэсліў ён.
Абаронца БАТЭ Арцём Радзькоў зазначыў, што важнасць паядынку не цісне на гульцоў каманды. «Наадварот, прысутнічае дадатковы стымул дабіцца таго, да чаго імкнуліся ўвесь сезон», — сказаў ён.
Становішча каманд у групе Е: БАТЭ — 7 пунктаў (розніца мячоў 7–3), «Дынама» — 4 (4–5), АЗ — 3 (4–7), «Шэрыф» — 3 (3–3).
Каментары