Васямнаццацігадовага актывіста партыі БНФ Валянціна Лабачова і шматдзетную маці Натальлю Шкадун вінавацяць ва ўдзеле ў несанкцыянаваным пікеце. Ён адбыўся ў нядзелю, 16 студзеня.
Лабачова і Шкадун выклікалі ў Ленінскі аддзел міліцыі Магілёва і выставілі ім абвінавачаньне. Справу аб адміністрацыйным правапарушэньні вядзе супрацоўнік аддзелу Андрэй Цецерукоў.
«Мы цяпер знаходзімся ў міліцыі, — расказала Натальля Шкадун. — Цецерукоў паехаў у суд і загадаў нам яго чакаць. Калі адбудзецца суд, ён не сказаў. Ня выключана, што й сёньня. Ён азнаёміў нас з заканадаўствам, якое рэглямэнтуе правядзеньне мітынгаў і пікетаваньняў. Зь яго вынікае, што мы вінаватыя ва ўдзеле ў несанкцыянаваным пікеце».
16 студзеня дзясятак актывістаў выйшлі на пешаходную вуліцу Ленінскую і правялі акцыю салідарнасьці з палітзьняволенымі. У руках кожны з удзельнікаў трымаў партрэты былых кандыдатаў у прэзыдэнты, іх давераных асобаў ды грамадзкіх актывістаў, арыштаваных у дзень і пасьля прэзыдэнцкіх выбараў.
Раздавалі пікетоўцы мінакам і газэту «Ня бойся», прысьвечаную палітзьняволеным. За пікетам сачылі і здымалі яго на відэа міліцыянты, але разагнаць не спрабавалі.
На наступны дзень першым выклікалі на допыт Валянціна Лабачова. Да Натальлі Шкадун міліцыянт прыйшоў на працу.
Ціханоўскі патлумачыў, чаму ён так паводзіў сябе ў Нью-Ёрку124
Каментары