не лічачы офісаў і паблажак. Гэта абсалютны рэкорд за ўвесь час існавання арганізацыі.
У 2011 годзе дзяржава зьбіраецца патраціць на падтрымку БРСМ 6.6 мільёнаў даляраў. Гэта абсалютны рэкорд за ўвесь час існаваньня арганізацыі.Паводле афіцыйных зьвестак, у Беларусі паўмільёна БРСМаўцаў і БРСМавак. Але ці зьяўляецца самая дарагая моладзевая арганізацыя краіны такой жа масавай?
Беларускі рэспубліканскі саюз моладзі звыкла забірае амаль увесь бюджэт моладзевай палітыкі Беларусі. У 2011 БРСМ атрымае 98% ад грошай, прызначаных беларускай моладзі. Гэта 6.6 мільёнаў даляраў. Лукашэнка хацеў, каб БРСМ выйшла на самаакупнасьць яшчэ ў 2007 годзе. Але ня здарылася таго і ў 2011. Наступная «мяжа самаакупнасьці» для БРСМ — 2013 год.
Але нягледзячы на ўсе заявы пра эканомію ў дзяржаве і ў БРСМе, у гэтым годзе арганізацыя атрымала абсалютны максымум фінансаваньня.У параўнаньні з 2005 БРСМ «засвоіць» сёлета ў тры разы болей грошай. І гэта ў год рэкорднага падвышэньня кошту беларускай адукацыі.
Пры гэтым колькасьць сяброў арганізацыі з 2008 году застаецца прыкладна на аднолькавым узроўні. У мінулым міністар адукацыі, а цяпер першы намесьнік кіраўніка Адміністрацыі прэзыдэнта Аляксандр Радзькоў заявіў сёньня, што ў БРСМ цяпер «каля паўмільёна» чалавек. Гэта прыкладна чацьвёртая частка ад усіх маладых людзей ва ўзросьце ад 15 да 30 гадоў.
Разам з тым, паводле дадзеных дасьледаваньня НІСЭПД, толькі 63,7% насельніцтва ведаюць нешта пра БРСМ. Прычым станоўча дзейнасьць гэтай арганізацыі ацэньваюць ня болей за 37%. А браць удзел у дзейнасьці БРСМ згодны толькі кожны пяты беларус.
Такім чынам, калі нават паверыць у тое, што ўсе паўмільна «афіцыйных» БРСМавак і БРСМаўцаў па сваім вялікім жаданьні і волі ўступілі ў гэту арганізацыю, то ўсё роўна атрымліваецца, што БРСМ прадстаўляе меншую частку моладзі, якая атрымлівае абсалютную большасьць падтрымкі дзяржавы.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары