29 красавіка ў Мінскім гарадскім судзе разглядалася скарга Мікіты Ліхавіда на прысуд Партызанскага суду.
29 красавіка ў Мінскім гарадскім судзе разглядалася скарга Мікіты Ліхавіда на прысуд Партызанскага суду, паводле якога актывіста асудзілі на 3,5 гады зняволення.Вынік — прысуд пакінулі без змены. «Адвакат хадайнічала, каб Мікіту прывезлі ў суд. Суддзі параіліся хвіліну і адмовілі», — паведаміла маці актывіста Алена Ліхавід.
«Потым пачала выступаць адвакат. Болей за гадзіну яна гаварыла, вельмі пераканаўча даказвала, што прысуд трэба адмяніць. Я паглядзела на аднаго з суддзяў, і ў нейкі момант мне падалося, што вось яно! На ягоным твары быццам было напісана, што ён усё разумее і з усім згодны. Але яны зноў пайшлі ў пакой для парадаў, і калі праз 20 хвілінаў выйшлі, то я зразумела, што надзея была прывідная».
Цяпер чытаюць
Зніклы Котаў выехаў з Турцыі морам — магчыма, у бок Расіі3
Каментары