Як зазначыў 28 чэрвеня напрэс-канферэнцыі , прысвечанай гэтай падзеі, каардынатар праекта Сяргей Драздоўскі, асноўнай місіяй офіса з’яўляецца аказанне дапамогі людзям з абмежаванымі магчымасцямі ў абароне іх правоў. У офісе будзе працаваць бясплатная юрыдычная прыёмная, весці прыём у якой будуцьюрысты-валанцёры .
З 28 чэрвеня пракансультавацца ў юрыста інваліды змогуць з 10.00 да 17.00 у офісе 101 па адрасе: вул. Варанянскага, 50, корпус 4, або па тэлефоне
Паводле слоў Драздоўскага, офіс бачыць сваю задачу ў асвеце грамадзян аб правах людзей з інваліднасцю, папулярызацыі ў грамадстве ідэй гуманных, маральных, талерантных узаемаадносінаў. Яшчэ адна задача арганізацыі — спрыянне далучэнню Рэспублікі Беларусь да Канвенцыі аб правах інвалідаў (ААН) і Факультатыўнага пратакола да яе.
Драздоўскі паведаміў, што зараз у Беларусі больш як 504 тысячы людзей з інваліднасцю. Паводле яго слоў, «у Беларусі склалася такая сітуацыя, калі людзі з інваліднасцю вымушаныя заставацца на ўскрайку грамадскага жыцця ў ізаляваных супольнасцях». Як паказвае практыка, сказаў Драздоўскі, кожны чалавек з інваліднасцю сутыкаецца з дыскрымінацыяй. Сутнасць яе ў тым, што інвалідам адмаўляюць у працаўладкаванні, паступленні ў ВНУ, вучобе ў звычайнай школе. Часта жыццё гэтых людзей праходзіць у закрытых інтэрнатах, яны пазбаўленыя паўнацэнных зносінаў, падкрэсліў Драздоўскі.
Такім чынам, дзейнасць офіса будзе скіраваная на інтэграцыю інвалідаў у грамадства. «Мы хочам памяняць свядомасць людзей і іх стаўленне да пытання інваліднасці. Людзі павінны разумець, што інваліднасць — гэта не толькі медыцынская праблема. Перш за ўсё, гэта праблема выканання і абароны правоў чалавека», — сказаў Драздоўскі.
Цяпер чытаюць
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве7
Каментары