Расейскі палітоляг Дзьмітры Фурман пра выніка нафтагазавага канфлікту: «Гэта яшчэ адзін, вельмі важны крок на шляху ліквідацыі асобых адрозьненьняў на постсавецкай прасторы, яшчэ адзін крок на шляху ліквідацыі рэштак СНД, рэштак Расейскай імпэрыі і рэштак СССР».
Пагадненьне, падпісанае сёньня паміж ўрадамі Беларусі і Расеі, мае тры аспэкты ‑ лічыць вядомы расейскі палітоляг, вядучы навуковы супрацоўнік Інстытуту Эўропы Расейскай акадэміі навук Дзьмітры Фурман.
Фурман: «Па‑першае, гэта, зразумела, кампраміс і нармальны кампраміс, больш‑менш прымальны для абодвух бакоў. Добра што ў Беларусь упершыню з Новага году пайшла нафта.
Другі момант — гэта яшчэ адзін, вельмі важны крок на шляху ліквідацыі асобых адрозьненьняў на постсавецкай прасторы, яшчэ адзін крок на шляху ліквідацыі рэштак СНД, рэштак Расейскай імпэрыі і рэштак СССР.
Цяпер Расея застаецца адна, яна абкружаная колам не васалаў і паўсяброў, а краінамі па ўсім пэрымэтры расейскай мяжы, зь якімі ў нас (амаль з усімі) складаныя дачыненьні і канфлікты. Зараз да іх дадалася Беларусь.
Трэці аспэкт — уласна беларускі, які тычыцца беларускай гісторыі. Мне здаецца, што гэта ‑ адна зь вехаў усталяваньня Беларусі як дзяржавы, якая ўсьведамляе сябе як незалежная, як дзяржавы, якая назаўжды. Гэта адзін з крокаў на шляху набыцьця Беларусьсю незалежнасьці ‑ незалежнасьці эканамічнай, але перш за ўсё псыхалягічнай».
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары