Дакладчык па Беларусі выступіў з заявай.
Рада Еўропы выказала ў сераду занепакоенасць лёсам аднаго з лідараў беларускай апазіцыі Андрэя Саннікава, асуджанага да пяці гадоў пазбаўлення волі.
Дакладчык па Беларусі Парламенцкай асамблеі Рады Еўропы (ПАРЕ), эстонскі дэпутат Андрэс Херкель заявіў 16 лістапада, што былы кандыдат у прэзідэнты Беларусі бясследна знік з турмы. Са словаў Херкеля, ні сям'і Саннікава, ні яго адвакатам не паведамляецца, куды і пры якіх абставінах ён знік.
Херкель падкрэсліў, што ён «глыбока заклапочаны» тым, што здарылася з беларускім апазіцыянерам, тым больш, што ён рэгулярна атрымлівае паведамленні аб катаваннях і жорсткім абыходжанні ў турмах Беларусі. Ад імя ПАРЕ ён заклікаў урад у Менску неадкладна даць сваякам і адвакатам Саннікава звесткі аб яго знаходжанні. Яны павінны таксама атрымаць магчымасць наведаць арыштаванага, адзначыў парламентарый.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары