Супраць смяротнага пакарання Канавалаву і Кавалёву падпісаўся «Дзмітрый Мядзведзеў з Расіі»
Пад петыцыяй ужо больш за 40 000 подпісаў.
Петыцыя скіраваная на адрас ААН, праваабарончай арганізацыі Human Rights Watch і «ўсім, хто можа дапамагчы».
Ініцыятары хадайніцтва маюць намер сабраць 100 тысяч подпісаў.
Зараз пад петыцыяй — больш за 40 000 подпісаў. Інтэрнаўты заўважылі, што сярод іх пад нумарам 37417 (час — 04:42, 24 лістапада) фігуруе «Dmitry Medvedev, Russian Federation».Ці гэта прэзідэнт Расіі, ці яго цёзка і суайчыннік — інфармацыі няма.
У петыцыі адзначаецца, што прыгавор Кавалёву і Канавалаву, для якіх пракурор запатрабаваў смяротнай кары, будзе вынесены 30 лістапада.
«Многія ў Беларусі лічаць, што гэтыя людзі невінаватыя, — гаворыцца ў звароце. — Няма канкрэтных доказаў, што яны ўчынілі тэракт.Калі ласка, падпішыце гэта хадайніцтва і папрасіце сваіх сяброў, каб мы ўсе маглі выратаваць гэтыя жыцці».
«
Людзі за самае жорсткае пакаранне любых тэрарыстаў, але збіраюць подпісы таму, што яны не вераць гэтаму суду і прад’яўленым доказам. Яны баяцца страшнай памылкі, якіх было шмат у „справе Міхасевіча“, напрыклад», — сказаў «Нашай Ніве» адзін з людзей, якія прызналіся ў тым, што паставілі свой подпіс.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца11
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары