Чэхі даслалі амаль чатыры тысячы лістоў палітвязьням у Бірме, Беларусі ды Кубе
У рамках кампаніі «Свабода ў новым годзе» («Freedom in the New Year»), якая ладзіцца арганізацыяй «Чалавек у нядолі», жыхары Чэхіі даслалі амаль чатыры тысячы калядных і навагодніх паштовак палітвязьням у Бірме, Беларусі і Кубе. Мэтай гэтага мерапрыемства было выяўленьне сымбалічнай падтрымкі рэпрэсаваным. Адзіным злачынствам гэтых невінаватых людзей было змаганьне з аўтарытарнымі рэжымамі і прага да дэмакратыі. Паводле наяўных зьвестак, праект «Ліст у вязьніцу» збольшага меў посьпех.
Найбольш водгукаў на паштоўкі прыйшло зь Беларусі. «Мы спадзяваліся, што лісты найперш пойдуць людзям, якія адбываюць пакараньне ў выглядзе прымусовай працы, бо ім дазваляюць хадзіць на пошту. Паведамляюць, што, напрыклад, Павал Севярынец атрымаў ужо тры мяхі паштовак. Лісты прыходзілі са шматлікіх краінаў — гэта частка шырэйшага міжнароднага праекту, але вялізная колькасьць паштовак прыйшла менавіта з Чэскай Рэспублікі», — паведамляе Ільля Глыбоўскі, каардынатар арганізацыі «Чалавек у нядолі» па Беларусі.
У якасьці ілюстрацыі выкарыстана паштоўка з сайту cards.tut.by
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары