Марына Адамовіч: Статкевіча збіраюцца перавесці ў турму на тры гады
Адміністрацыя выпраўленчай калоніі № 17 лічыць, што Мікалай Статкевіч з’яўляецца «злосным парушальнікам» парадку адбывання пакарання, на шлях выпраўлення не стаў, і патрабуе для далейшага адбывання пакарання перавесці яго на турэмны рэжым тэрмінам на тры гады.
Такую прапанову на кандыдата ў прэзідэнты Мікалая Статкевіча да маючага адбыцца 12 студзеня суда падпісаў начальнік калоніі палкоўнік Ермаліцкі.
Нагадаем, што раней Мікалай Статкевіч быў змешчаны ў СІЗА, адразу ж пасля выхаду быў ізаляваны ў ПКТ тэрмінам на 1 месяц.
Яшчэ да «здзяйснення цяжкіх парушэнняў» ён быў прызнаны «злосным парушальнікам». Гэта адбылося адразу ж пасля з’яўлення ў СМІ яго «Лістоў на свабоду». Як паведамлялася раней, усе спагнанні былі вынесеныя Мікалаю Статкевічу цягам аднаго тыдня пасля публікацый.
Статкевіч «даўмоўна-тэрміновага вызвалення не імкнецца, мае намер вызваліцца па адбыванні і весці ў далейшым злачынны лад жыцця», — лічыць адміністрацыя калоніі.
«Зразумела, што турма — не лепшае месца, але маёй пазіцыі гэта не змяняе.
Я не прызнаю сябе вінаватым у дзеяннях, якімі я ганаруся. Дзякую людзям, якія дапамаглі беларусам паважаць сваю нацыю»— перадаў Мікалай Статкевіч, які асуджаны на 6 гадоў калоніі ўзмоцненага рэжыму.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары