Малады фронт перадаў больш за 400 беларускіх кніг у бібліятэкі следчых ізалятараў і калоній
Актывісты міжнароднага маладзёжнага аб’яднання «Малады фронт» (Чэхія) перадалі больш за 400 беларускамоўных кніг у бібліятэкі следчых ізалятараў і калоній.Пра гэта паведаміла намеснік старшыні арганізацыі Наста Палажанка.
Паводле яе слоў, раней «Малады фронт» праводзіў кампанію «Беларускую кнігу — дзецям!». У яе межах з верасня па студзень актывісты арганізацыі збіралі беларускамоўныя кнігі, якія перадавалі ў дзіцячыя дамы. «Цяпер, у сувязі з наяўнасцю палітзняволеных, наша мэта змянілася. Мы перадаем беларускія кнігі ў тыя папраўчыя ўстановы, у якіх знаходзяцца былыя кандыдаты ў прэзідэнты, палітзняволеныя, і наогул у бібліятэкі пенітэнцыярных устаноў», — сказала Палажанка.
Падчас знаходжання ў следчым ізалятары КДБ Палажанка даведалася, што там у бібліятэцы ёсць толькі два асобнікі Бібліі. «Таму я асабіста адправіла туды пасылку з Бібліямі. Пасылка назад не прыйшла, значыць, яе там прынялі», — лічыць Палажанка.
Паводле яе слоў,
актывісты «Маладога фронту» таксама адпраўлялі пасылкі ў следчыя ізалятары і месцы пазбаўлення волі.«Мы дасылалі кнігі як прыватныя асобы. Для таго каб пасылкі не былі заблакаваны, каб не было праблем. Наколькі я зараз ведаю, гэтыя кнігі турэмнымі бібліятэкамі былі прыняты ў двух следчых ізалятарах і дзвюх калоніях», — адзначыла Палажанка.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары