Нацыянальны статыстычны камітэт абнародаваў памеры сярэдніх заробкаў беларусаў у снежні — 2 мільёны 877 тысяч рублёў (345 даляраў). У параўнанні зь лістападам заробкі павялічыліся амаль на 20%. А ў жыхароў сталіцы наагул сярэдні заробак амаль на мільён вышэйшы, чым у сярэднім па краіне, і на паўтара мільёна большы, чым у жыхароў Брэсцкай вобласці.
У лютым пенсіянерам паабяцалі павысіць пенсіі на 24%. Да чаго прывядуць такія павышэнні?
Эканаміст Леанід Злотнікаў перакананы, што пры такой фінансавай палітыцы дзяржавы паўторыцца сытуацыя 2011 года:
«Нас папярэджвалі і з Усходу, і з Захаду, што нельга зараз павялічваць заробкі, бо няма з чаго. Трэба было ўстрымацца, але ж мы атрымалі пры канцы года даволі неблагія грошы — каля 4 мільярдаў даляраў, у асноўным ад Расіі. Пакуль гэтыя грошы ёсць, на 2, 3, 4 месяцы хопіць і заробкі падвысіць, і пенсіі.А потым паступленняў такіх не чакаецца. І зноў пачнуцца праблемы, як гэта было летам 2011 года».
Кіраўнік аналітычнага цэнтру «Стратэгія» эканаміст Леанід Заіка што да падвышэньня заробкаў кажа:
«У нас ідзе неабгрунтаванае павышэнне заработнай платы, асабліва ў даляравым эквіваленце. І гэтае жаданне неяк сітуацыю палепшыць за кошт расійскага газу, больш таннага, і за кошт допуску да нафты (зараз у Нямеччыну мы прадалі нафты на 1 мільярд даляраў прыкладна) — гэта ўсё дрэнна».
Спадар Заіка ўзгадаў, як увосень Аляксандар Лукашэнка ўчыніў ураду разнос і загадаў прэм’
Гэта нават не палітыка — гэта жаданне захаваць свае крэслы ў чыноўнікаў».
Каментары