Любоў Кавалёва звярнулася да Лукашэнкі з просьбай аддаць ёй цела расстралянага сына
Любоў Кавалёва, маці Уладзіслава Кавалёва, расстралянага згодна з рашэннем Вярхоўнага суда, звярнулася да Аляксандра Лукашэнкі з просьбай перадаць ёй цела сына.
Як паведаміла яна, замоўлены ліст з паведамленнем у Адміністрацыю прэзідэнта быў адпраўлены 22 сакавіка. Копія ліста накіравана па факсімільнай сувязі 23 сакавіка.
Нагадаем, афіцыйнае паведамленне Вярхоўнага суда аб тым, што прысуд у дачыненні да Кавалёва прыведзены ў выкананне, яго сям’я атрымала 17 сакавіка. Вечарам з праграмы навін тэлеканала ОНТ стала вядома, што расстраляны і другі асуджаны па справе аб тэрарызме, Дзмітрый Канавалаў.
Міжнародная супольнасць асудзіла чарговыя факты смяротнай кары ў Беларусі. З адпаведнымі заявамі выступілі вярхоўны прадстаўнік Еўрасаюза па замежных справах і палітыцы бяспекі Кэтрын Эштан, старшыня Еўрапарламента Марцін Шульц, генеральны сакратар Савета Еўропы Турбьёрн Ягланд і іншыя.
Цяпер чытаюць
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала2
Каментары