Аляксандр Лукашэнка з сынамі возьмуць удзел у традыцыйным шэсці па праспекце
У адрозненне ад мінулага года, на ўрачыстасць запрасілі таксама паслоў краін Еўрасаюза.
Аляксандр Лукашэнка сёння прыме ўдзел у святочных мерапрыемствах з нагоды Дня Перамогі, паведамілі БЕЛТА ў ягонай прэс-службе.
Кіраўнік дзяржавы на чале ўрачыстага шэсця пройдзе па праспекце Незалежнасці ад Кастрычніцкай плошчы да плошчы Перамогі. У шарэнзе з ім будуць ісці ветэраны Вялікай Айчыннай вайны, Героі Савецкага Саюза, Героі Сацыялістычнай працы, ветэраны Узброеных Сіл, воіны-інтэрнацыяналісты, Героі Беларусі. Па традыцыі Аляксандр Лукашэнка возьме ўдзел у шэсці разам са сваімі сынамі.
У дзвюх шарэнгах па праспекце Незалежнасці ў адкрытых аўтамабілях праедуць ветэраны Вялікай Айчыннай вайны. Ва ўрачыстым шэсці пройдуць таксама калоны вышэйшых службовых асоб, прадстаўнікі дзяржаўных і грамадскіх арганізацый, моладзі, працоўных калектываў.
Аляксандр Лукашэнка таксама ўскладзе вянок да манумента Перамогі.
У адрозненне ад мінулага года, на ўрачыстасць запрасілі таксама паслоў краін Еўрасаюза.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве4
Каментары