У Мінску здымаецца «засакрэчаны» маскоўскі фільм з Ігарам Вернікам.
«Гэта абуральна! Такое прыніжэнне!» -- патэлефанаваў у НН узрушаны чытач. Яго, навуковага супрацоўніка, зачапіла тое, што на пляцоўцы перад галоўным корпусам Нацыянальнай Акадэміі навук здымаецца расійскае кіно. І
дзеля здымак над уваходам у будынак замянілі надпіс. Цяпер гэта «Московский городской суд».На сценах будынку, які ёсць нават на беларускіх грошах — шыльды «Московский городской суд» з гербам РФ, а над імі — расійскія трыкалоры Побач стаяць «таксоўкі» з расійскімі нумарамі, фарба на якіх яшчэ не паспела высахнуць.
Сцэна здымаецца проста на ганку. Стаіць машына з асвятляльнай і гукаапаратурай, камеры.
У кадры працуе расійскі акцёр Ігар Вернік у кампаніі з эфектнай бландзінкай.
Работнікі Акадэміі здзіўляюцца новай шыльдзе, але ўсярэдзіну трапляюць без праблем.
Які фільм здымаецца высветліць не ўдалося: расейцы ад каментароў адмаўляюцца, за ўсе кантакты з прэсай адказвае беларуская адміністрацыя, якая на здымачнай пляцоўцы адсутнічала.
У сакратарыяце Акадэміі навук журналісту «Нашай Нівы» таксама раскрыць назву фільма адмовіліся, спаслаўшыся на тое, што Акадэмія падпісала дамову з кінастудыяй аб неразгалошванніпадрабязнасцяў здымкаў. Удакладнілі толькі, што фільм мастацкі, а не навуковы.
Мяркуючы па характарным героі і дэкарацыях, на прыступках Акадэміі ствараецца чарговая крымінальна-любоўная гісторыя з жыцця сучаснай Расіі. І, відаць, кінастудыі не па кішэні здымаць яе каля рэальнага Маскоўскага гарадскога суда -- прасцей арандаваць небагатую і неганарлівую Нацыянальную Акадэмію навук Беларусі.
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары