19 чэрвеня споўнілася б 88 гадоў Васілю Быкаву — класіку літаратуры, сусветна вядомаму і намінаванаму на Нобелеўскую прэмію беларускаму пісьменніку. Ён быў сярод тых, хто аднавіў незалежнасць краіны.
Апошнія гады жыцця Васіль Быкаў пражыў у Фінляндыі і Чэхіі.
Творца, якога называлі «сумленнем нацыі», рэзка выступаў супраць узмацнення аўтарытарызму ў краіне і за гэта яго шальмавала афіцыйная прапаганда.
Толькі перад самым сконам Быкаў вярнуўся ў Беларусь. Памёр пісьменнік у 2003 годзе ў анкалагічнай больніцы ў Бараўлянах.
Сімвалічна, што Быкаў, які найлепшыя свае творы прысвяціў тэме Другой сусветнай вайны, адышоў з гэтага свету 22 чэрвеня —у дзень, калі немцы напалі на Савецкі Саюз.
Пахаванне Народнага пісьменіка ператварылася ў шматтысячнае жалобнае шэсце па праспекце Незалежнасці.
Дагэтуль у Беларусі
імем Васіля Быкава названая толькі адна вуліца — у пасёлку Ждановічы пад Мінскам. Хоць грамадскасць Мінска, Гродна, Салігорска і іншых гарадоў не раз звярталася да гарадскіх уладаў з прапановай ушанаваць памяць пісьменніка.
Васіль Быкаў пахаваны на Усходніх могілках Мінска. У дзень яго нараджэння, у дзень скону, туды прыходзяць людзі — пакласці кветкі, ушанаваць памяць пісьменніка. Таксама 19 чэрвеня адбудзецца імпрэза ў вёсцы Бычкі (Ушацкі раён, Віцебшчына) — на радзіме Васіля Быкава. Там будзе ўручацца прэмія «За свабоду думкі», заснаваная рухам «За Свабоду» пад кіраўніцтвам Аляксандра Мілінкевіча. Пачатак урачыстасці ў Бычках — а
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП16
Каментары