Нерухомасьць працягвае даражэць у тэмпе 2—2,5% за тыдзень.
Паводле газэты «Недвижимость Белоруссии» менскія аднапакаёўкі падаражэлі за тыдзень амаль на паўтары тысячы даляраў — сярэдняя аднапакаёўка каштуе паводле стану на 27 сакавіка 63073 даляры (квадратны мэтар каштуе 1841 у.а.). Найхутчэй на гэтым тыдні даражэлі чатырохпакаёўкі — прырост цаны квадратнага мэтру склаў +56 у.а. У цэлым сярэдняя кватэра на чатыры пакоі каштуе 114128 даляраў (1382 у.а.).
Газэта «Белорусы и рынок» бачыць прычынаю падаражаньня кватэраў актыўную крэдытную палітыку беларускіх банкаў. Некаторыя спэцыялісты, піша тыднёвік, адзначаюць рэзкі рост аб’ёму выдадзеных доўгатэрміновых крэдытаў для фізычных асобаў. Мяркуецца што асноўная іх частка скіравалася менавіта ў жыльлёвы сэктар, не ў апошнюю чаргу на набыцьцё жыльля на другасным рынку. У той жа час «БР» адзначае, што рэальна ацаніць сытуацыю на будаўнічым рынку, а таксама сапраўдныя маштабы павелічэньня коштаў на жыльлё, можна будзе напачатку будаўнічага сэзону, які вось‑вось распачнецца. Пакуль жа ня ўсе будаўнічыя арганізацыі здолелі канчаткова пралічыць выдаткі ад падаражаньня энэргарэсурсаў.
Цяпер чытаюць
Лосік расказаў, як Бабарыку катавалі ў наваполацкай калоніі15
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары