Да турэмнага тэрміну Статкевіча могуць дадаць яшчэ адзін год
Марына Адамовіч сур'ёзна баіцца за жыццё мужа.
Мікалай Статкевіч атрымаў 10 сутак карцара ў Магілёўскай турме № 4. Жонка палітвязня асцерагаецца, што да тэрміну Статкевічу дададуць яшчэ год і непакоіцца за яго жыццё.
Марына Адамовіч распавяла, што Мікалай Статкевіч пераведзены ў штрафны ізалятар Магілёўскай турмы № 4. Тое, што адбылося, жанчына звязвае з нядаўняй правакацыяй супраць Статкевіча. Як адзначалася раней, у камеру да
— На свае папярэднія звароты ў пракуратуру з прычыны правакацыі я не атрымала ніякай рэакцыі. Гэта свежае пакаранне, як я разумею, ёсць працягам правакацыі.Правакуюць, а потым за гэта саджаюць у карцар. Мне цалкам відавочна, што пацвярджаюцца чуткі, якія атрымлівалі раней, аб тым, што яны спрабуюць падрыхтаваць Мікалая да павелічэння тэрміну пакарання па 411 артыкуле, — паведаміла Марына Адамовіч.
Артыкул 411 Крымінальнага кодэксу «Злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі «можа дадаць да тэрміну яшчэ год.
— Калі Мікалая перавялі ў Магілёўскую турму, і высветлілася, што ён у СІЗА, мы з адвакатам паехалі да начальніка турмы, і ад яго я пачула, што Мікалай «схільны да суіцыду».На той момант якраз была вядомая інфармацыя пра Аўтуховіча. Таму я падумала, што ён проста пераблытаў, — успамінае Марына Адамовіч.
Але цяпер жонка палітвязня Мікалая Статкевіча зноў атрымлівае падобную інфармацыю пра спробы суіцыду.
Жанчына сур’ёзна баіцца за жыццё сваё мужа.
— Напэўна, у іх ёсць такая «хатняя загатоўка», каб у крайнім выпадку мець магчымасць апраўдаць свае дзеянні, — адзначае Марына Адамовіч. — Я нават не ведаю, што я буду рабіць, куды я буду звяртацца.
Я ўжо не разумею, у якія інстанцыі можна звярнуцца. Амністыю дачакаліся, што будзем чакаць далей — невядома.
Нагадаем, згодна з выракам суда Ленінскага раёна Менска ад 26 мая 2011 года Мікалай Статкевіч павінен быў адбыць 6 гадоў пазбаўлення волі ў калоніі ўзмоцненага рэжыму па абвінавачванні ў арганізацыі масавых беспарадкаў пасля прэзідэнцкіх выбараў. Аднак, пасля паловы тэрміну, рэжым яго ўтрымання стаў больш жорсткім — Статкевіча перавялі ў Магілёўскую турму.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2
Каментары