Сяргей Каваленка: Шмат часу выдзяляю на самаадукацыю
Былы палітвязень апраўляецца ад наступстваў зняволення і галадоўкі.
З карэспандэнтам «Салідарнасцi» ён дзелiцца бліжэйшымі планамі.
Увесь час — сям’і
— Яны шмат былі без мяне, адвыклі, таму перадусім, увесь мой час для іх. Наладзіць адносіны з дзецьмі, калі яны ад цябе адвыклі, складана. Гэта тая ж штанга, якую я цягаў ў турме, толькі штанга псіхалагічная і яе таксама трэба падымаць.
Арганізм хутка аднаўляецца
— Здароўе, дзякуй богу, вяртаецца. Калі падчас галадоўкі я важыў 45 кілаграмаў, то сёння — 95, і трэба падтрымліваць форму. Я шмат бегаю, займаюся спортам. Пасля галадоўкі пачаліся праблемы з памяццю. Не мог узгадаць нейкія агульнавядомыя звыклыя рэчы, але яны праходзяць. Арганізм хутка аднаўляецца.
Дома займаюся самаадукацыяй
— Рамонт кватэры амаль цалкам зрабіла жонка, так што гаспадарчых заняткаў мала. Вельмі шмат часу выдзяляю на самаадукацыю. Паставіў мэту самастойна вывучыць ангельскую мову. У якасці працы я асвойваю прафесію відэааператара і мантажора. Мой знаёмы займаецца здымкамі вяселляў, прапанаваў і мне паспрабаваць. Будоўля трохі надакучыла, але ёй прыходзілася займацца, каб заробіць грошы.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары