Існуючыя энергамагутнасці краін — удзельніц АЭП дазваляюць рэалізоўваць электраэнергію ў краіны Еўрасаюза пры эфектыўным вырашэнні праблем стварэння агульнага рынку на тэрыторыі Казахстана, Беларусі і Расіі.Пра гэта заявіў член калегіі (міністр) па энергетыцы і інфраструктуры АЭК Даніал Ахметаў у Бруселі на канферэнцыі Еўрэлектрык і Электраэнергетычнага савета СНД, паведаміла
Паводле слоў Ахметава, энергетычныя магутнасці Расіі, Казахстана і Беларусі выкарыстоўваюцца ў межах 60%, і існуе каласальны экспартны патэнцыял. «Таму разуменне партнёраў з еўрапейскага боку, іх поглядаў, ментальнасці і агульнага меркавання дазваляе нам хутчэй сфарміраваць нашы падыходы да рэалізацыі нашага сур’ёзнага экспартнага патэнцыялу ў сферы электраэнергетыкі», — патлумачыў ён.
Ахметаў дадаў, што на сёння краіны АЭП ажыццяўляюць продаж электраэнергіі ўсяго некалькім еўрапейскім краінам, уключаючы Фінляндыю, Літву, Латвію і Нарвегію.«Але патэнцыял значна вышэйшы. У тым ліку мы можам выкарыстаць і экспартны патэнцыял, напрыклад Казахстана. Існуючыя энергамагутнасці Казахстана дазваляюць сёння рэалізоўваць электраэнергію ў краіны Еўрасаюза пры эфектыўным вырашэнні праблем стварэння агульнага рынку на прасторы трох нашых дзяржаў — Казахстана, Беларусі і Расіі», — паведаміў чыноўнік.
Ён дадаў, што зараз рыхтуецца збалансаваная праграма развіцця агульнага электраэнергетычнага рынку Расіі, Казахстана і Беларусі, які мае высокі патэнцыял на аснове адзінай тэхналагічнай базы, адзінай інфраструктуры, якая існавала раней, і адзіных тэхналагічных параметраў.«Мы ў хуткім часе прадставім кіраўнікам нашых дзяржаў такую праграму. Думаем, што будуць сур’ёзна трансфармаваныя нашы нарматыўная і заканадаўчая базы. Разам з тым, вырашэнне гэтай праблемы дазволіць стварыць той прэцэдэнт фарміравання агульнага рынку, калі ўпершыню на прасторы трох нашых дзяржаў мы будзем мець магчымасць стварыць рэальны і эфектыўна працуючы электраэнергетычны рынак, які будзе засноўвацца на лепшых сусветных прыкладах», — паведаміў Ахметаў.
На яго думку, у наступным агульны рынак электраэнергіі будзе характарызавацца свабодным доступам да паслуг натуральных манаполій, гарманізаваным заканадаўствам, адзінай метадалогіяй тарыфнай палітыкі, адзіным інфармацыйным полем для ўдзельнікаў рынку, адзінымі тэхнічнымі нормамі і правіламі, наяўнасцю узгодненых балансаў энергарэсурсаў АЭП.
«Фарміраванне агульнага электраэнергетычнага рынку створыць таксама і мультыплікатыўны эфект праз пашырэнне супрацоўніцтва краін у сумежных сферах: будаўніцтве і эксплуатацыі інфраструктуры электраэнергетычнага комплексу, энергетычным машынабудаванні і інавацыйнай дзейнасці», — зазначыў Ахметаў.
Вячаслаў Будкевіч, БелаПАН.
Цяпер чытаюць
На Купянскім кірунку загінуў беларускі добраахвотнік Аляксей «Рыжы» Аўдзей11
Каментары