Новыя кнігі, дасланыя ў рэдакцыю
Каталёг папулярных выданьняў Беларусі: Газэты, часапісы, кнігі / Складальніца Н.Масквіч. -- Менск: Энцыкляпэдыкс, 2000. -- 32 с. -- Наклад 1000 ас. ISBN 985-6599-09-1
Кніга складзена з кароткіх зьвеcтак пра розныя легальныя выданьні, што выдаюцца й распаўсюджваюцца цяпер у Рэспубліцы Беларусі. Наконт набыцьця зьвяртайцеся на кніжную выставу ў менскай сядзібе ТБМ.
Мэдыі й камунікацыя: Курс лекцыяў: Філязофія. Літаратура. Журналістыка. Найноўшая гісторыя / Рэдактар В.Акудовіч. -- Менск -- Вільня: Беларускі калегіюм, 2000. -- 356 с. -- Наклад 350 ас. ISBN 9955-437-06-5
Кніга паўстала як вынік працы выкладнікаў Беларускага калегіюму з розных галін сучасных ведаў. Сярод аўтараў навучальнага дапаможніка — А.Анціпенка, Ю.Барысевіч, М.Жбанкоў, А.Дынько, А.Давыдчык, В.Дашук, Ю.Карманаў. Наконт набыцьця зьвяртайцеся на кніжную выставу ў менскай сядзібе ТБМ.
Памяць: Гістарычна-дакумэнтальная хроніка Воршы й Аршанскага раёну: У 2-х кн. Кн. 2 / Рэдакцыйная калегія: Г.Пашкоў (галоўны рэдактар) ды інш.; Мастак Э.Жакевіч. — Менск: Беларуская энцыкляпэдыя, 2000. — 528 с.: іл. — Наклад 3000 ас.
У гэтую кнігу ўвайшлі зьвесткі пра падзеі другое сусьветнае вайны на Аршаншчыне і пра жыцьцё людзей да нашых дзён. Велізарную часьціну кнігі займаюць фотаздымкі савецкіх службоўцаў, партызан і падземнікаў, што ў часе апошняе вайны змагаліся на баку Масквы супраць гітлераўскае Нямеччыны.
Мех со смехом: Польскія анэкдоты / Аўтар-укладальнік П.Стэфановіч. — Менск: Беларускі кнігазбор, 2000. — 276 с. — Наклад 200 ас. ISBN 985-6318-77-7
Частка показак, зьмешчаных у зборніку, сваім часам друкавалася на старонках «Народнае Волі» па-беларуску.
А.Герштейн. Судьба одного театра. — Выдавецтва «Чатыры чвэрткі», 2000. — 96 с.: іл. — Наклад 700 ас. ISBN 985-6089-65-4
Кніга прысьвечана гісторыі Дзяржаўнага габрэйскага тэатру Беларусі, што працаваў у Менску ў 1926—41 і 1944—49 гадох. Гісторыя гэтага тэатру сталася адбіткам ня толькі долі жыдоўскае культуры пад саветамі, але й беларускае гэтаксама. Кніга будзе цікавая ня толькі тэатразнаўцам, але й аматарам ды дасьледнікам айчыннае гісторыі апошняга стагодзьдзя.
Агляд падрыхтаваў Віктар Мухін
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары