Натальля Лукасік, жонка дэпартаванага зь Беларусі пастара Яраслава Лукасіка, атрымала адказ на зварот да чыноўнікаў УУС Менаблвыканкама наконт законнасьці рашэньня Мядзельскага РАУС аб ануляваньні віда на жыхарства ейнага мужа.
Наталля Лукасік, паводле інфармацыйнага цэнтра «Евангельская Беларусь», звярнула ўвагу вышэйстаячай інстанцыі на тое, што рашэнне Мядзельскага РАЎС ад 8 траўня 2007 года аб ануляцыі віда на жыхарства Яраслава Лукасіка грунтуецца на «аператыўнай інфармацыі з КДБ, якая нібыта сведчыць, што ейны муж нанёс шкоду нацыянальнай бяспецы Рэспублікі Беларусь». У звароце ставіцца пытанне, наколькі правамерна лічыць чалавека вінаватым у такім сур’ёзным злачынстве да рашэння суда.
У адказе Упраўлення па грамадзянству і міграцыі УУС Мінаблвыканкама за подпісам кіраўніка ўпраўлення Зелянкевіча гаворыцца, што «дазвол на пастаяннае пражыванне ў Беларусі анулюецца, калі ёсць звесткі, што іншаземец мае дачыненне да дзейнасці, скіраванай на шкоду нацыянальнай бяспецы Беларусі», а таксама тое, што «падставаў не давяраць інфармацыі Упраўлення КДБ па Мінску і Мінскай вобласці няма». Таму рашэнне наконт Яраслава Лукасіка «з’яўляецца законным, абгрунтаваным і адмене не падлягае».
15 чэрвеня ў 11.00 у Мядзельскім раённым судзе адбудуцца слуханні з нагоды абскарджання рашэння Мядзельскага РАУС пра ануляванне віда на жыхарства Яраслава Лукасіка.
Нагадаем, пратэстанцкага пастара, грамадзяніна Польшчы Яраслава Лукасіка дэпартавалі з Беларусі 6 чэрвеня.
30 траўня начальнік УУС Цэнтральнага раёна Мінска Віталь Сінякоў аштрафаваў Лукасіка на адну базавую велічыню (31 тыс. рублёў) і аб’явіў аб яго дэпартацыі і забароне на ўезд у Беларусь на працягу пяці гадоў. 27 траўня пастар быў затрыманы пасля набажэнства, якое праводзілася ў прыватным доме пастара адной з пратэстанцкіх цэркваў сталіцы.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары