Лідэр БНФ падтрымаў Лукашэнку ... Сурвілла прапануе Грыцкевіча ... Сем’і Вугляніцы, Жарнасека ў Нарвэгіі...
Лідэр БНФ падтрымаў Лукашэнку
Прыпынілася рэтрансьляцыя на хвалях беларускага ультракароткага дыяпазону праграм расейскiх радыёстанцыяў «Маяк», «Голас Расеi» i «Юнацтва». Цяпер вяшчаньне на гэтых хвалях будзе весьцi радыёстанцыя «Сталiца» i абласныя радыёстанцыi. Старшыня Партыi БНФ Вiнцук Вячорка зазначыў, што матывацыя спыненьня рэтрансьляцыi расейскiх радыёстанцыяў — тая ж, што i перакрыцьця расейскага каналу ОРТ беларускiм АНТ, — «iмкненьне забясьпечыць татальны кантроль над iнфармацыйнай прасторай». Разам з тым, на думку Вячоркі, тое, што замест расейскамоўнай станцыi «Маяк» будзе весьцi трансьляцыi беларускамоўная «Сталiца», — станоўчы факт.
Сурвілла прапануе Грыцкевіча
Набліжаюцца 85-я ўгодкі абвешчаньня незалежнасьці Беларускае Народнае Рэспублікі. Старшыня Рады БНР Івонка Сурвілла заклiкала стварыць Нацыянальны аргкамітэт сьвяткаваньня 85-годзьдзя Акту 25 Сакавіка ў Беларусі й папрасiла ўзначалiць аргкамітэт прафэсара Анатоля Грыцкевіча.
Б.Т.
Сем’і Вугляніцы, Жарнасека ў Нарвэгіі
Паэт Славамір Адамовіч, які ў 1996 г. за верш «Убей президента» трапіў у турму, папрасіў палітычнага прытулку ў Нарвэгіі. Апошнія гады ён быў беспрацоўным, езьдзіў на заробкі за мяжу, аж пакуль ня вырашыў застацца ў Нарвэгіі. Улады краіны пакуль не адказалі, атрымае С.Адамовіч палітычны прытулак ці не. Хоць прэцэдэнты такія былі. У 2001 г. Нарвэгія прыняла двух уцекачоў зь Беларусі — капітана КДБ Генадзя Вугляніцу і актывіста незарэгістраванай арганізацыі «Край» Андрэя Жарнасека. Доўгі час беларускія ўлады перашкаджалі іхным сем’ям выехаць у Нарвэгію. Толькі пры канцы мінулага году Вугляніца і Жарнасек вывезьлі сваіх жанок і дзяцей.
Павал Сумарока
Цяпер чытаюць
Сталі вядомыя новыя дэталі ў маштабнай справе арганізатараў канцэртаў4
Каментары