«Час прымушае сьпяшацца. Беларусь мусіць прымаць рашэньне. Думаю, нэўтралітэт ёй не дапаможа. Глябалізацыя патрабуе свайго. Ня думаю, што Захад у асобе ЗША і Эўразьвязу цяпер быў бы зацікаўлены ў тым, каб Беларусь аб’ядналася з Расеяй. Ня думаю, што Захад верыць у тое, што пуцінская Расея, якая пайшла аўтарытарным шляхам пасьля думскіх выбараў, здольная пазытыўна паўплываць на дэмакратызацыю Беларусі, як гэта лічылася яшчэ год таму. Я думаю, што Захад ставіць Беларусь перад выбарам, тлумачачы ягонаму кіраўніцтву, што працэс, які па-ангельску называецца «wider Europe», гэта вельмі сур’ёзны працэс», — заявіў палітоляг Аляксандар Рар на «Менскім форуме».
VII Менскі форум паставіў рэкорд прадстаўнічасьці: 400 удзельнікаў. Форум зь беларуска-нямецкага ператварыўся ў трохбаковы «Нямеччына—Польшча—Беларусь» і меў падзагаловак «Новае суседзтва пасьля пашырэньня Эўразьвязу».
Упершыню за шэсьць гадоў сустрэчу наведалі прадстаўнікі ўраду. Гэта быў не міністар Мартынаў, а ягоны намесьнік. «Мы збольшага расцэньваем працэс пашырэньня Эўразьвязу як пазытыўны», — сказаў на палітычнай сэкцыі форуму Аляксандар Міхневіч. Ён асабліва падкрэсьліў ролю беларускай дзяржавы ў справе спыненьня наркатрафіку й нелегальнай міграцыі ў Эўропу. Выступ меў адценьне самарэклямы Беларусі: маўляў, падтрымайце нас, незаменных, матэрыяльна.
Іншы прадстаўнік афіцыйнага боку, прафэсар Уладзімер Улаховіч з Цэнтру міжнародных дасьледаваньняў БДУ, заявіў: «Ідэі так званага санітарнага кардону з Турцыі, Украіны, Малдовы ды Беларусі — гэта ізаляцыянісцкі падыход. Ён абсалютна непрымальны. Хутчэй трэба прыняць за аснову рэгіянальную канцэпцыю «ўсходняга вымярэньня», якая прапанавана Польшчай».
Намесьнік старшыні БНФ Юры Хадыка выказваў незадаволенасьць іншым: зь дзевяці мільёнаў эўра дапамогі новым суседзям толькі 7% ідзе на Беларусь. Гэта прыкладна 5 цэнтаў на кожнага беларуса. «Памажыце Беларусі стаць нэўтральнай», — заклікаў Ю.Хадыка. «Расея зацікаўленая ў Беларусі як сатэліце, а з гэтага вынікае — у слабой Беларусі», — засьцерагаў Станіслаў Шушкевіч.
Поўны варыянт артыкулу глядзіце ў газэце "Нашa Ніва".
Зьміцер Данскі, Мікола Бугай
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары