Намесьнік старшыні Аб’яднанай грамадзянскай партыі Яраслаў Раманчук паходзіць з каталіцкай сям’і зь мястэчка Сапоцкін на Гарадзеншчыне. Гэта адзіны населены пункт у Беларусі, дзе ёсьць вуліца Яна Паўла ІІ: «Гэта чалавек, які меў магчымасьць зазірнуць у мінулае і папрасіць прабачэньне за ўчыненыя Касьцёлам крыўды. І калі мае землякі перайменавалі вуліцу Леніна ў вуліцу Яна Паўла ІІ, я быў шчасьлівы. Я ня ведаю іншага дзеяча, які б адыграў такую магутную ролю ў ХХ ст.».
Пробашч менскай грэка-каталіцкай парафіі Сьвятога Язэпа айцец Андрэй Абламейка: «Папа заўсёды нас падтрымліваў. Зусім нядаўна, некалькі месяцаў таму, ён перадаў нам заклік: «Будзьце мужнымі, трымайцеся». І для нас, грэка-каталікоў, гэта важна».
Рыгор Барадулін, народны паэт Беларусі, перакладчык на беларускую мову «Рымскага трыпціху», напісанага папам: «Я перадаў Сьвятому Айцу пераклад «Рымскага трыпціху» й папрасіў апостальскага блаславеньня для ўсіх прадстаўнікоў беларускай інтэлігенцыі, якія працуюць для разьвіцьця беларускай хрысьціянскай культуры, працуюць на адраджэньне Беларусі. Сьвяты Айцец пераклаў на мае рукі сваё блаславеньне, прыняў пераклад і падараваў мне асьвечаны ружанец. Гаварыў я з папам па-беларуску, ён добра разумеў нашу мову».
Поўны варыянт артыкулу чытайце ў папяровай і pdf-вэрсіі газэты "Наша Ніва"
Паводле Svaboda.org
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі6
Каментары