20-hadovaha vałožynca sudziać siomy raz

Cudovaje pasiadžeńnie, siomaje ŭ žyćci chłopca, adbudziecca na hetym tydni. Hetym razam jaho sudziać za razboj.

A 4-j ranicy 27 vieraśnia 80-hadovaja žycharka vioski Čartavičy (Vałožynski rajon) pračnułasia ad hrukatu ŭ dźviery. Babula adčyniła. Na parozie stajaŭ chłopiec z zaviazanaj na tvary chustkaj, kab jaho nie paznali, a ŭ ruce trymaŭ kuchonny nož.

– Babka, davaj miljony! – skazaŭ jon žančynie i ŭvajšoŭ u dom.

Złačynca pajšoŭ na kuchniu, pačaŭ pahražać i, kab zapužać, biŭ nažom pa stale. Pakul jon chadziŭ pa kuchni, babula paklikała 82-hadovaha muža.

Dziadula addaŭ chłopcu 40 tysiač rubloŭ, a babula dadała jašče 200 tysiač.

Kab haspadary nie mahli vyklikać dapamohu, złačynca pazbaviŭ ich mahčymaści karystacca telefonam.

Jak miarkujecca, hetaje złačynstva małady čałaviek ździejśniŭ u niećviarozy stanie. Jon vypiŭ, jamu pakazałasia mała, i tady pajšoŭ šukać hrošy, kab kupić jašče.

Spačatku pryznaŭ vinu

Pierad tym, jak abrabavać pažyłych ludziej, chłopiec zachodziŭ da svajoj rodnaj babuli, jakaja žyvie ŭ toj ža vioscy. Adnak jana nie dała ŭnuku hrošaj na vypiŭku, i toj vyrašyŭ ich skraści.

Jon adrazu ž pryznaŭsia ŭ złačynstvie. Adnak kali daviedaŭsia, što jamu pahražaje pazbaŭleńnie svabody terminam ad šaści da 15-i hadoŭ z kanfiskacyjaj majomaści, ad svajoj viny ŭžo admaŭlaŭsia.

Maci admaŭlajecca ad syna

Kali padazravany takoha maładoha ŭzrostu, zvyčajna na dopyt zaprašajuć baćkoŭ, kab atrymać ad ich charaktarystyku. U hetym vypadku jaho maci nie zaprašali.

Sioleta jon užo abakraŭ svaju mamu, a atrymanyja hrošy prapiŭ. Na sudzie žančyna skazała, što nie choča pra jaho ničoha viedać.

U 20 hadoŭ treba lačycca ad ałkahalizmu

Pieršaje złačynstva chłopiec ździejśniŭ u 15 hadoŭ. Tady jon atrymaŭ try miesiacy prymusovych mier vychavaŭčaha charaktaru za kradziež.

Paśla pieršaha ździejśniŭ jašče piać kradziažoŭ i ŭhon mašyny, i ŭ bolšaści vypadkaŭ jon byŭ niećviarozy.

Pavodle zaklučeńnia sudovaj psichołaha-psichijatryčnaj ekśpiertyzy, padazravanamu nieabchodnaje prymusovaje lačeńnie ad ałkaholnaj zaležnaści ŭ miescach pazbaŭleńnia svabody.

Chłopcu 20 hadoŭ. Jon užo pabyvaŭ za kratami, na svabodu vyjšaŭ hod tamu. Jon nidzie nie vučycca i nie pracuje. Sprabavaŭ pracaŭładkavacca, ale jaho adrazu ž vyhaniali.

Siarod vałožynskich maładych złačyncaŭ jon rekardsmien. Jość niekalki čałaviek, jakija da 20 hadoŭ majuć dźvie-try sudzimaści, ale šeść pakul paśpieŭ “zarabić” tolki jon.

• 0
• 0
• 0
• 0
• 0
• 0
• 0
• 0