U Biełarusi da 2015 hoda aŭtazapčastki buduć realizoŭvacca tolki praź śpiecyjalizavanyja stacyjanarnyja handlovyja abjekty. Pra heta 18 śniežnia na pres-kanfierencyi ŭ Minsku paviedamiła namieśnik ministra handlu Iryna Narkievič.
Novaŭviadzieńni zakranuć u tym liku rynkavy handal aŭtazapčastkami. U cełym Minhandlu, pa słovach Narkievič, nastrojeny na stvareńnie ŭ krainie sistemy cyvilizavanaj prodažu aŭtazapčastak. Važnaja rola pry hetym advodzicca bujnym aptovym kampanijam, jakija nabyvajuć pradukcyju ŭ pieršych pastaŭščykoŭ.
Aficyjny ŭvoz zapčastak da aŭtamabilaŭ dazvalaje minimizavać "šeryja" pastaŭki.Akramia taho, raźvivajučy ułasnuju roźničnuju sietku pad svajoj handlovaj markaj, bujnyja imparciory zaŭsiody imknucca trymać vysokuju płanku, prapanoŭvajučy pakupnikam tolki siertyfikavanyja, jakasnyja tavary i zabiaśpiečvajučy adpaviedny ŭzrovień servisu.
Razam z tym, jak ličać u Minhandlu, razhalinavanaja sietka lehalnaha prodažu aŭtazapčastak, jakaja stvarajecca ŭ Biełarusi, moža ŭklučać u siabie nie tolki handlovyja centry, ale i nievialikija śpiecyjalizavanyja kramy, internet-kramy, stancyi techničnaha absłuhoŭvańnia aŭtamabilaŭ. "Tamu što rynak aŭtazapčastak u respublicy pavinien raźvivacca nie tolki siłami bujnych kampanij, jakija pracujuć u hetaj śfiery, ale i pry aktyŭnym udziele małoha i siaredniaha biźniesu", - upeŭnienaja namieśnik ministra handlu.
U pryvatnaści, Minhandlu padajecca pierśpiektyŭnym napramkam raźvićcia lehalnych prodažaŭ aŭtazapčastak adkryćcio pradstaŭnikami małoha i siaredniaha biźniesu nievialikich śpiecyjalizavanych kram, u jakich handal budzie vieścisia cyvilizavanym čynam. Heta značyć, z pakupnikom budzie pracavać pradaviec-kansultant, jaki dapamoža padabrać patrebnuju detal z dapamohaj kamputarnaj bazy dadzienych, u kramie buduć ustanoŭleny kasavy aparat i terminał dla bieznajaŭnych raźlikaŭ.
Jana taksama vykazałasia za raźvićcio ŭ respublicy internet-handlu aŭtazapčastkami. "U nas u hetaj śfiery ŭžo źjavilisia cikavyja internet-kramy, jakija prychodziać u rehijony. Niachaj dadzieny siehmient pašyrajecca i ŭ dalejšym", - pažadała namieśnik ministra handlu.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary