Biełaruś zaniała 157-je miesca ŭ «Indeksie svabody presy»
Hety štohadovy dakład apublikavała 30 studzienia pravaabarončaja arhanizacyja "Reparciory bieź miežaŭ".
Hod tamu kraina była na 168-m miescy. Adnak aŭtary dakłada adznačajuć, što ciapierašniaje palapšeńnie pazicyi zusim nie śviedčyć pra palapšeńnie situacyi sa svabodaj presy ŭ Biełarusi. U dakumiencie adznačajecca, što na letašni rejtynh paŭpłyvali padaŭleńni apazicyjnych akcyj. Zaraz ža Biełaruś, jak i Azierbajdžan, jaki sa 162-ha miesca padniaŭsia na 156-je, prosta «viarnulisia na svaje žachlivyja papiarednija pazicyi», havorycca ŭ dakładzie.
U trojcy lidaraŭ pa-raniejšamu zastajucca Finlandyja, Niderłandy i Narviehija. Najhoršaja situacyja sa svabodaj presy — u Turkmienistanie, Paŭnočnaj Karei i Erytrei.
Adnoj z samych niebiaśpiečnych krain dla žurnalistaŭ nazvanaja Siryja, dzie žurnalisty i karystalniki sacyjalnych sietak stanoviacca achviarami jak kirujučaha režymu, tak i apazicyi.
Najbližejšyja susiedzi Biełarusi Polšča — na 22-m miescy, Litva — na 33-m, Łatvija -na 39-m, Ukraina — na 126-m, Rasija — na 148-m.
Kamientary