Frunzienski RUUS Minska admoviŭ aktyvistcy hramadzianskaj kampanii «Jeŭrapiejskaja Biełaruś» Julii Ściapanavaj u raspačynańni kryminalnaj spravy pa fakcie napadu na jaje nieviadomych.Jak paviedamiła BiełaPAN Ściapanava, pra heta havorycca ŭ adkazie, jaki jana atrymała 15 lutaha.
«Mnie siońnia pryjšoŭ adkaz ź milicyi, dzie skazana, što ŭ raspačynańni kryminalnaj spravy admoŭlena, bo ŭ dziejańniach nieviadomych asob, jakija napali na mianie, niama składu kryminalnaha złačynstva, — skazała Ściapanava. — Heta niejak šakuje, heta značyć atrymlivajecca, što napad na čałavieka, hvałtoŭnyja dziejańni nad im, pahrozy — heta nie kryminalnaje złačynstva».
Pavodle jaje słoŭ, u adkazie taksama havorycca, što kali ludzi, što na jaje napali, buduć znojdzienyja, to ich pryciahnuć da administracyjnaj adkaznaści.
Ściapanava maje namier paśla kansultacyj sa svaim advakatam nakiravać skarhi ŭ Śledčy kamitet i Hienieralnuju prakuraturu.
Nahadajem, napad na Ściapanavu adbyŭsia ŭ noč na 14 studzienia na vulicy Piatra Hlebki, kali jana išła ad aŭtobusnaha prypynku da svajho domu. Adzin z mužčyn schapiŭ dziaŭčynu zzadu za ruki, druhi koratka abrazaŭ joj vałasy. Zatym Ściapanavu kinuli ŭ śnieh tvaram. Pry hetym mužčyny, pavodle jaje słoŭ, niehatyŭna vykazalisia pra jaje dapamohu palityčnym represiravanym i pahražali.
-
Śviatłana Cichanoŭskaja sustrełasia ŭ Varšavie ź biełaruskimi dobraachvotnikami i vałanciorami
-
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ
-
Žurnalistka Hanna Lubakova budzie vieści na «Biełsacie» šou z deputatami Jeŭraparłamienta
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ5
Kamientary