Urad Vieniesueły apublikavaŭ pieršyja za dva miesiacy fotazdymki prezidenta Uha Čavesa paśla jaho apošniaj apieracyi na Kubie, dzie jon prachodzić kurs lačeńnia ad raka.
Na fotazdymkach, pakazanych pa vieniesuelskim telebačańni, uśmiešlivy Čaves lažyć na łožku, kala jaho — dočki. Na inšym fota jon čytaje kubinskuju hazietu «Hranma».
Zdymki byli apublikavanyja ŭ adkaz na abureńnie apazicyi, jakaja krytykuje ŭrad krainy za «utojvańnie infarmacyi» ab stanie zdaroŭja kiraŭnika dziaržavy.
U pačatku lutaha staršynia Nacyjanalnaj asamblei Vieniesueły Dyasdada Kabieljo u intervju dziaržaŭnamu telekanału krainy zajaviŭ, što stan zdaroŭja prezidenta pastupova palapšajecca.
U apošni raz lidar Vieniesueły vystupaŭ na publicy amal vosiem tydniaŭ tamu — jašče da taho, jak jamu zrabili čarhovuju apieracyju pa vydaleńni rakavych kletak.
Kamientary