Dvuchrazovy alimpijski čempijon pa baraćbie Armien Nazarjan abviaściŭ haładoŭku ŭ znak pratestu suprać rašeńnia Mižnarodnaha alimpijskaha kamiteta vyklučyć baraćbu z alimpijskaj prahramy [z 2020 h.].
«Ja vykazvaju haładoŭkaj pratest suprać rekamiendacyi vykankama MAK. Baraćba zaŭsiody była ŭ alimpijskaj prahramie i niapravilna jaje vyklučać», — rastłumačyŭ Nazarjan u zajavie, apublikavanaj na sajcie Fiederacyi spartyŭnaj baraćby Rasii.
Nazarjan paabiacaŭ nie jeści i tolki pić sirop da 22 sakavika, kali ŭ Tbilisi pačniecca čempijanat Jeŭropy pa baraćbie.Pavodle jaho słoŭ, da haładoŭki dałučycca i hałoŭny trenier zbornaj Bałharyi pa volnaj baraćbie.
U 1996 hodzie spartsmien zavajavaŭ załaty miedal Alimpijskich hulniaŭ u Atłancie, vystupajučy pad ściaham Armienii.
Paźniej jon pierajechaŭ u Bałharyju i ciapier vystupaje za hetuju krainu. U 2000 hodzie jon znoŭ staŭ załatym miedalistam Alimpijskich hulniaŭ.
Akramia hetaha, jon źjaŭlajecca trochrazovym čempijonam śvietu i šaścirazovym čempijonam Jeŭropy.
Kamientary