31 sakavika Nacyjanalnaja avijakampanija "Biełavija" pavialičvaje častatu palotaŭ u stalicu Ukrainy da 10 razoŭ na tydzień.Rejsy ŭ Kijeŭ buduć vykonvacca pieravažna samalotam CRJ-100/200.
Jak paviedamlaje pres-słužba "Biełavija",
košt pieralotu ŭ adzin bok składaje ad 87 jeŭra (uklučajučy aerapartovyja taksy i zbory), tudy-nazad — ad 176 jeŭra (uklučajučy aerapartovyja taksy i zbory).
Pavieličeńnie častaty rejsaŭ ažyćcioŭlena ŭ suviazi z rostam pasažyrapatoku pamiž Minskam i Kijevam, a taksama dla palapšeńnia ŭmoŭ pieralotu tranzitnych pasažyraŭ, jakija latajuć z Kijeva cieraź Minsk u punkty Jeŭropy, SND i nazad.
"Ciapier "Biełavija" vykonvaje ŭ Kijeŭ siem rejsaŭ na tydzień. Spadziajemsia, što pavieličeńnie častotnaści da 10 razoŭ na tydzień dazvolić padarožničać jak pramym, tak i tranzitnym pasažyram u najbolš zručny dla ich čas", — paviedamiŭ hienieralny dyrektar RUP "Nacyjanalnaja avijakampanija "Biełavija" Anatol Husaraŭ.
"Biełavija" maje dva samaloty Embraer-175, šeść Boeing 737-500, piać Boeing 737-300, čatyry CRJ-100/200 i try Tu-154M.
Za pieršyja dva miesiacy 2013 hoda NAK "Biełavija" pieravieziena 152.326 pasažyraŭ i 318,7 tony hruzu i pošty, što na 25,4 i 31,8% adpaviedna bolš, čym za taki ž pieryjad u 2012 hodzie.
Kamientary