Parłamient Kipra prahałasavaŭ viečaram 19 sakavika suprać uviadzieńnia padatkaŭ na bankaŭskija depazity, paviedamlaje Reuters. Suprać takoj miery vykazalisia 36 z 56 členaŭ parłamienta, 19 ustrymalisia. Adzin deputat adsutničaŭ.
Hałasavańnie adbyłosia ŭ chodzie siesii, pryśviečanaj pytańniu atrymańnia antykryzisnaj dapamohi z boku Jeŭrasajuza.
Pra namier uładaŭ Kipra ŭvieści padatak u 7–10 pracentaŭ na ŭsie depazity ŭ bankach krainy z metaj pavialičyć biudžet na 5,8 miljarda jeŭra stała viadoma ŭ niadzielu, 16 sakavika. Uviadzieńnie takoha padatku stała adnoj z asnoŭnych umoŭ, na jakich ES hatovy vydać Kipru antykryzisny kredyt u pamiery 10 miljardaŭ jeŭra.
Zhoda kiprskich uładaŭ na cisk z boku krain Jeŭrasajuza, i pierš za ŭsio Hiermanii, vyklikała krytyku jak unutry dziaržavy, tak i ŭ inšych krainach, uklučajučy Rasiju.U pieršyja chviliny tarhoŭ 18 sakavika indeksy jeŭrapiejskich biržaŭ ŭpali ŭ siarednim na dva adsotki.
Miž tym kiprski parłamient nieadnarazova pieranosiŭ abmierkavańnie hetaha pytańnia: spačatku ź niadzieli, 17 sakavika, na paniadziełak, zatym jašče raz — na aŭtorak, 19 sakavika. U dzień hałasavańnia ŭ ŚMI taksama źjaŭlalisia paviedamleńni ab mahčymym pieranosie abmierkavańnia jašče na dzień.
Ciapier čytajuć
Bieź pieśniaŭ Mieładze i ŭ formie: jak projduć vypusknyja ŭ škołach i dziciačych sadkach1
Kamientary