Ideja śviatkavańnia Dnia Voli: zaciahniem našuju!

Šanoŭnaje Spadarstva! Dzieŭki dy chłopcy, mužyki dy žančynki! Jość prapanova, što da farmatu śviatkavańnia Dnia Voli-2013.

Śpiavać!

A dakładniej, padrychtavacca, padvučyć pieśni, razdrukavać teksty (pa piać ekziemplaraŭ, kab pieradać inšym) i śpiavać, idučy kałonaj!

Ci treba pierakonvać kahości ŭ patrebie?!

Kałona ludziej, jakaja supolna piaje pieśniu — heta moc, pryhažość, pazityŭ, heta duch Voli i Pieramohi — čaho nam tak nie staje apošnim časam!

Dziela realizacyi zadumy patrebny baraban, a taksama nievialičkaja hrupa śpiavajučych, kab śpiavać pačynać adnačasova pa ŭsioj daŭžyni kałony i trymać rytm.

Dałučaju prapanavany śpis pieśniaŭ z tekstami!

Spadarstva, mužyki dy chłopcy, dziaŭčaty dy žančyny daražeńkija, śpiajem razam, pahukajem nie tolki viasnu, ale i Volu?!

Śpis piesień:

1. Try čarapachi — NRM

Kali raptam adčuješ kamunalnyja pachi
I žyćcio ciabie voźmie ŭ piatlu.
Zrazumieješ tady, što try čarapachi
Pa raniejšamu ciahnuć Ziamlu.

Kali vyjdzieš u horad, ci zalezieš u hory,
I ź ludźmi ŭstaluješ kantakt.
Zrazumieješ tady, što i siońnia i ŭčora
Naša miesca na troch kitach.

Prypieŭ:

Hej, ła-ła-ła-łaj, ty nie čakaj, čakańnie dastała.
Hej, ła-ła-ła-łaj, ty nie čakaj, ty nie čakaj.

Nie było Halileja i Boba Marleja,
Nie było Salvadora Dali.
Ni Lenina, ni Lenana, ni Karła Lineja,
A kity, čarapachi byli.

Prypieŭ.

Kab lubić Biełaruś, našu miłuju mamu,
Treba ŭ roznych krajach pabyvać!
Zrazumieješ tady — pad tvaimi nahami
Try słany nieruchoma stajać.

Prypieŭ.

2. A dzie ž tyja vajary — Ź.Sidarovič

A dzie ž tyja vajary, što sa mnoj chadzili ŭ Krym?
Dy, hej, dy, hej-hej, jo-cha-cha, što sa mnoj chadzili ŭ Krym?

A dzie ž tyja ich miačy, što ź plača ŭmieli siačy?
Dy, hej, dy, hej-hej, jo-cha-cha, što ź plača ŭmieli siačy?

Nie adsiedzicca nidzie, znoŭ čužyniec k nam idzie.
Dy, hej, dy, hej-hej, jo-cha-cha, znoŭ čužyniec k nam idzie.

Łuki hnucca dy ŭ duhu, daduć rady vorahu.
Dy, hej, dy, hej-hej, jo-cha-cha, daduć rady vorahu.

Koni kapytami bjuć, vajaroŭ dy paniasuć.
Dy, hej, dy, hej-hej, jo-cha-cha, vajaroŭ dy paniasuć.

Budzie, budzie znoŭ bitva, budzie volnaju Litva!
Dy, hej, dy, hej-hej, jo-cha-cha, budzie volnaju Litva!

A jak skončym vajavać — budziem pici dy hulać.
Dy, hej, dy, hej-hej, jo-cha-cha, budziem pici dy hulać.

3. Heta my! — A.Mielnikaŭ

Kali niechta kaža: «Byvaj!» — heta šče nie značyć — kaniec.
I chacia ŭ kanvulsijach kraj, rana kanstatavać śmierć.
I chacia nie vidać — kudy, i nadzieja — ni na kaho,
Ty pasłuchaj: źviniać zvany.
Heta z nami havoryć Boh. Heta — skroź ciemru pramień. Heta — viecier, što rvie smuhu.
Heta — novy soniečny dzień. Heta — praz zabarony ruch.
Heta — hodna padniaty ściah. Heta — šycht, što hatovy ŭ boj.
Heta — kryž na tvaich plačach. Heta — ludzi razam z taboj.
Heta — tysiačy mocnych noh, što piačatajuć ćviordy rytm.
Heta — nie jany bačyć Boh: heta — my! Heta — my!

Ty pačuješ: źviniać zvany. Kali zdolna pačuć duša
Hołas prodkaŭ z dalečyni, hołas, što nie zahłušyć čas,
Hołas pamiaci hetaj ziamli, hetych rečak, hetych lasoŭ,
Tych narodaŭ, što tut žyli… Ty pasłuchaj: macnieje zvon.

Heta — skroź ciemru pramień. Heta — viecier, što rvie smuhu.
Heta — novy soniečny dzień. Heta — praz zabarony ruch.
Heta — hodna padniaty ściah. Heta — šycht, što hatovy ŭ boj.
Heta — kryž na tvaich plačach. Heta — ludzi razam z taboj.
Heta — tysiačy mocnych noh, što piačatajuć ćviordy rytm.
Heta — nie jany, bačyć Boh, heta — my! Heta — my!

Kali niechta kaža: «Byvaj!» — heta šče nie značyć — kaniec.
I chacia ŭ kanvulsijach kraj, rana kanstatavać śmierć.
I chacia nie vidać — kudy, i nadzieja — ni na kaho,
Ty pasłuchaj: źviniać zvany. Heta z nami havoryć Boh.

4. Nie być skotam — Lapis Trubiacki

Chto ty hetki? — Svoj, tutejšy.
Čaho chočaš? — Doli lepšaj.
Jakoj doli? — Chleba, soli.
Čaho bolej? — Ziamli, voli.

Prypieŭ (2 razy):

Chleba, soli.
Ziamli, voli.

Dzie naradziŭsia? — Ŭ svajoj vioscy.
Dzie chryściŭsia? — Pry darožcy.
Čym aśvienčan? — Kroŭju, potam.
Čym być chočaš? — Nie być skotam.

Prypieŭ (2 razy):

Kroŭju, potam.
Nie być skotam.

Chto ty hetki? — Svoj, tutejšy.
Čaho chočaš? — Doli lepšaj.
Jakoj doli? — Chleba, soli.
Čaho bolej? — Ziamli, voli.

Prypieŭ:

Chleba, soli.
Ziamli, voli.
Kroŭju, potam.
Nie być skotam.
Chleba, soli.
Ziamli, voli.
Kroŭju, potam.

5. My vyjdziem ščylnymi radami (słovy Makara Kraŭcova, muzyka Uładzimira Teraŭskaha)

My vyjdziem ščylnymi radami
Na volny rodny svoj prastor.
Chaj vola viečna budzie z nami,
A hvałtu my damo adpor!

Niachaj žyvie mahutny, śmieły
Naš biełaruski volny duch.
Štandar naš bieł-čyrvona-bieły,
Pakryj saboj narodny ruch.

Na boj! Za ščaście i za volu
Narodu słaŭnaha svajho!
Braty, ciarpieli my davoli,
Na boj — usie da adnaho!

Imia i siłu biełarusa
Niachaj pačuje j ubačyć toj,
Chto śmieje nam niaści prymusy
I pieršy vykliča na boj.

Braty, da ščaścia my padchodzim:
Chaj hrom hrymić jašče macniej!
U kryvavych mukach my narodzim
Žyćcio Respubliki svajoj!

• 0
• 0
• 0
• 0
• 0
• 0
• 0
• 0