Minski AMON nie dazvoliŭ bresckim fanam razharnuć biełmoŭnyja baniery - adkryty list pratestu

Adkryty list pratestu bieraściejskich fanataŭ byŭ apublikavany na sajcie FK «Dynama-Brest». Pryvodzim jaho całkam.

Vyjezd zaŭziataraŭ FK «Dynama-Brest» na čverćfinalnuju hulniu Kubka Respubliki Biełaruś pa futbole [prajšła 17 sakavika ŭ Minsku — NN] čarhovy raz byŭ azmročany niekampietentnymi, a čaściakom i adkryta chamskimi pavodzinami supracoŭnikaŭ minskaha AMONa.

Pry ŭvachodzie na siektar, pryznačany dla bresckich zaŭziataraŭ, byŭ arhanizavany nadhlad, pry hetym bolšaść prychilnikaŭ futboła vymušana była čakać svajoj čarhi na vulicy, u minusavoje nadvorje.

Mała taho, sama pracedura nadhladu vyhladała źnievažalna i chutčej nahadvała «pieratrus z prychilnaściu» — pieratresvańnie rečaŭ, vyvaročvańnie kišeniaŭ, jakoje supravadžałasia familjarnym, a pieryjadyčna adkryta chamskim staŭleńniem da zaŭziataraŭ.

Užo zvykłyja dla zaŭziataraŭ hrubyja pavodziny hetym razam byli dapoŭnienyja novymi elemientami.

Tak, u pryvatnaści, biez tłumačeńnia pryčyn, na siektar nie byŭ dazvoleny pranos baniera, jaki byŭ u rejestry — «Dynama Brest ad kałyski da pahosta z imiem, jakoje nichto nie adymie». [na biełaruskaj movie — NN]

Reakcyja na abureńnie niezakonnymi dziejańniami supracoŭnikaŭ AMONa była pradkazalnaj — «voś u Breście sa svaim rejestram i pranoście».

Jašče bolš dzikim faktam stała vysunutaje zaŭziataram patrabavańnie źniać majki z nadpisami «My nie buchija bulbašy! My mocnyja biełarusy!», «Dynama Brest — moj honar, maje žyćcie, usie što kachaju i čym hanarusia». [na biełaruskaj movie — NN]

Spadziajemsia, pryčynami hetych zabaronaŭ stała vajaŭničaje nievuctva supracoŭnikaŭ AMONa, a nie patałahičnaja nianaviść da rodnaj movy.

Nazvanyja fakty, a taksama kanfliktnyja situacyi, jakija ŭźnikali padčas inšych matčaŭ, jakija pravodzilisia 17 sakavika ŭ staličnym futbolnym maniežy, čarhovy raz śviedčać pra nieabchodnaść pierahladu pryncypaŭ arhanizacyi pracy pa harantavańni biaśpieki na spartyŭnych spabornictvach, jakija pravodziacca pad ehidaj ABFF.

Na žal, dla pieravažnaj bolšaści amonaŭcaŭ, miarkujučy pa ich pavodzinach, zahad MUS N1 «Ab vietlivym i ŭvažlivym staŭleńni supracoŭnikaŭ orhanaŭ unutranych spraŭ i vajennasłužačych unutranych vojskaŭ da hramadzian» nie źjaŭlajecca narmatyŭnym dakumientam, nie kažučy ŭžo pra takija tonkija materyi, jak zvyčajnaja vietlivaść i prajava pavahi da svaich suhramadzian.

Arhanizacyja dahladu supracoŭnikami AMAPu, a taksama ich prysutnaść na siektary z aktyŭnymi zaŭziatarami pry isnujučym z boku «achoŭnikaŭ paradku»

pieraduziatym staŭleńni da zaŭziataraŭ, jak da złačyncaŭ-recydyvistaŭ, viadzie da stvareńnia kanfliktnych situacyj i dyskredytacyi pravaachoŭnych orhanaŭ.

ale nie dahlad zaŭziataraŭ na futbolnych matčach i vyznačeńnie «lehitymnaści» banieraŭ, šalikaŭ i inšaj zaŭziatarskaj atrybutyki.

Dla harantavańnia biaśpiečnych i ŭ toj ža čas kamfortnych umoŭ na trybunach padčas praviadzieńnia futbolnych matčaŭ, stvareńnia na siektary dobrazyčlivaj atmaśfiery,

hetuju funkcyju biezumoŭna pavinny vykonvać arhanizavanyja kłubami (Fiederacyjaj) słužby biaśpieki, tak zvanyja ściuardy. Na pierachodnym etapie ličym dapuščalnym ŭskładańnie takich abaviazkaŭ na padraździaleńni Ministerstva ŭnutranych spraŭ, jakija nie adnosiacca da liku śpiecyjalnych.

Spadziajemsia, što rašeńnie vyšejaznačanych prablem nie abmiažujecca čarhovaj dziažurnaj naradaj, damoŭlenaści jakoj buduć praź niekalki dzion parušanyja supracoŭnikami, jakija pravodziać biaśpieku praviadzieńnia spartyŭnych mierapryjemstvaŭ, a prymie formy arhanizavanaj, paśladoŭnaj kampanii».

• 0
• 0
• 0
• 0
• 0
• 0
• 0
• 0