Mahutny vybuch prahrymieŭ u budynku ŭ centry češskaj stalicy niepadalok ad Nacyjanalnaha teatra, paviedamlaje miascovaja palicyja.
U vyniku byŭ razburany budynak, pad zavałami jakoha mohuć znachodzicca ludzi, adznačyli supracoŭniki ekstrannych słužbaŭ. Pa dadzienych pažarnych, prynamsi 13 čałaviek atrymali ranieńni. Kiraŭnik vyratavalnaj słužby Zdeniek Švarc zajaviŭ, što kolkaść paciarpiełych vyrasła da 55 čałaviek. Pra achviary pakul ničoha nie paviedamlajecca.
Vulica Dzivadzielni, dzie prahrymieŭ vybuch, ciapier usiejana askołkami škła.
Pa dadzienych češskaj radyjostancyi Český rozhlas, vybuch adbyŭsia ŭ budynku škoły kino i telebačańnia, jakaja ŭvachodzić u skład Pražskaj akademii muzyčnych mastactvaŭ.
Pravaachoŭnyja orhany pakul nie nazyvajuć pryčyn. Pa niekatorych dadzienych, na jakija spasyłajecca Radyjo Praha, vybuch adbyŭsia z-za ŭciečki hazu.
Miesca zdareńnia ačeplena palicyjaj. U raźmieščanych pablizu budynkach vybiła škło.Častkova paciarpieŭ taksama budynak Nacyjanalnaha teatra. Akramia taho, była praviedziena evakuacyja z budynka sacyjałahičnaha fakulteta Karłavaha univiersiteta, jaki taksama raźmieščany pobač ź miescam vybuchu. Pa dadzienych pradstaŭnika VNU, niekalki čałaviek atrymali ranieńni askołkami vybitych šybaŭ.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Kamientary