Lidar rasiejskaha rok-hurta «Splin» Alaksandr Vasiljeŭ rastłumačyŭ žurnalistam, čamu niekatoryja ludzi miarkujuć, što dyktatura lepšaja za demakratyju, a taksama raspavioŭ pra toje, jak źmianiajecca tvorčaść hurta.
«U hurcie jość peŭny stryžań, ale ŭ kožnym novym albomie da hetaha stryžnia dadać čahości novaha. Hruba kažučy, na novy hod u nas adnaja i taja ž jalinka, ale kožny hod abrastaje novymi cackami, — raspaviadaje Alaksandr Vasiljeŭ. — Kali hučańnie źmianiajecca, to heta adbyvajecca chutčej vypadkova».
Muzyka paraŭnaŭ Minsk z Maskvoju: «z adnaho boku — vielična i pryhoža, ź inšaha — strašnavata. Bo ŭłada… i tam ułada, i tut takaja ŭłada… Ciapier uletku lepš na viosku pajechać. Dumaju, tut i paraleli pravodzić nie treba. Vašaja schiema ŭ nas, našaja schiema — u vas».
Na raźvitańnie jon raspavioŭ pra razmovu sa znajomaj z Łatvii, jakaja skazała, što rasiejcam dobra, bo majuć dyktaturu. «Ja kažu: stop, čamu heta dobra? A jana adkazała, što dyktatura lepšaja za demakratyju: lepš nienavidzieć adnaho čałavieka, čymsia ŭsich», — śmiajecca muzyka.
Kamientary