Z Maskvy. Błoh Alesia Čajčyca106106

9 Maja: ideałahičny kastyl dla biezydejnych režymaŭ

Supakojciesia, vajna amal 70 hadoŭ jak skončyłasia, Niamieččyna nam daŭno nie vorah.

8 i 9 maja AAN, adnym z suzasnavalnikaŭ jakoj źjaŭlajecca Biełaruś, adznačaje Dni pamiaci i zamireńnia pahinułych u Druhoj suśvietnaj vajnie. I heta adziny mahčymy zdarovy farmat adznačeńnia hetaj daty.

Na fonie lubych amierykanskich ci zachodniejeŭrapiejskich adznačeńniaŭ kanca Druhoj ci Pieršaj suśvietnych vojnaŭ

naš postsaviecki «Dzień pieramohi» — heta relihijny kult, dziŭny postmaderniscki ideałahičny kastyl dla biezydejnych aŭtarytarnych režymaŭ.

Hladzicie, usie prykmiety ŭ najaŭnaści: śviataja data, śviataja niedatykalnaść mifu (nie dapuskajecca najmiešy sumnieŭ u śviataści maršała Žukava ci partyzanaŭ-NKVDystaŭ), pampiezny i niaźmienny cyrymanijał, elemienty kultu prodkaŭ, kapiščy-śviaciliščy ŭ kožnym miastečku, kudy maładyja pierad viasiellem prynosiać rytualnyja achviary. «Idiot vojna narodnaja — śviaŝiennaja vojna».

Kult aznačaje iracyjanalnaść i tabu na analiz i krytyku. I voś my bačym, jak navat adekvatnyja i razumnyja ludzi časam zryvajucca ŭ isteryku ŭ adkaz na ŭsiaho tolki troški pravakatyŭny zahałovak u błohu.

Mif ab «vialikaj pieramozie» — apošniaja sałomina, na jakoj trymajecca łukašenkaŭskaja ideałohija.

Bolš ničoha prapanavać jana biełaruskamu hramadstvu nie moža. Zachodnierusizm, jeŭrazijstva, pravasłavizm ci antyhłabalizm siarod biełarusaŭ adnolkava niepapularnyja, a pryniaćcie režymam biełaruskaj nacyjanalnaj idei ci jakohaś pałanafilskaha litvinizmu budzie aŭtamatyčna aznačać spynieńnie sponsarstva z boku Kramla.

Nu, a z Druhoj suśvietnaj u kožnaha źviazana niešta siamiejnaje i trahičnaje, dyj adpaviednaja apracoŭka śviadomaści ludziej, jakija sami hetaj vajny nie bačyli, idzie jašče z brežnieŭskich časoŭ. Tamu hetaju temaj hramadstva začapić kudy praściej.

Śviatkujuć kožny hod jak jubilej, jak u apošni raz — što ŭ Minsku, što ŭ Maskvie, dzie na Krasnaj płoščy znoŭ parad ź dziasiatkami adzinak techniki. Vyklučna z ułasnych palityčnych mierkavańniaŭ kiraŭniki našych krainaŭ hod ad hoda pijaracca na starych narodnych ranach.

Z savieckim mifam pra «Dzień pabiedy» treba rašuča zmahacca, bo jon abražaje pamiać ab toj vielizarnaj trahiedyi, jakoj była vajna, pieratvaraje jaje ŭ kič i militaryzavanuju karykaturu.
Supakojciesia, vajna amal 70 hadoŭ jak skončyłasia, Niamieččyna nam daŭno nie vorah. Naš vorah staić na trybunie i dakazvaje, što, raz u Druhoj suśvietnaj pałažyli miljony ludziej, značyć, jon pavinien kiravać krainaj, pakul jamu nie nadakučyć.

Kamientary106

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kibierpartyzany i chakiery Silent Crow uzłamali «Aerafłot». Jany atrymali danyja pra ŭsie pieraloty

Kibierpartyzany i chakiery Silent Crow uzłamali «Aerafłot». Jany atrymali danyja pra ŭsie pieraloty

Usie naviny →
Usie naviny

U Drazdach hadami nie mohuć pradać damy, źviazanyja z nabližanymi da ŭładaŭ ludźmi9

Hiermanija pieradała Ukrainie try sistemy Patriot2

U Šatłandyi školnik znajšoŭ na plažy abłomki karabla XVIII stahodździa

Student prajhraŭ u karty i pajšoŭ u kramu pa šakaładku absalutna hoły7

Adznačyła svoj pieršy dzień naradžeńnia samaje niedanošanaje dzicia śvietu1

Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav13

«Siońnia my žyviem u kulturnym hramadstvie». Čamu haspadar niezvyčajnaj kramy samaabsłuhoŭvańnia na Paleśsi nie baicca kradziažoŭ2

Ułady zapeŭnivajuć, što paŭtornaha apoŭźnia ŭ viciebskim Viarchoŭi nie budzie

Biełaruś stała asnoŭnym imparcioram śvininy z Rasii. A raniej jana tudy miasa pradavała12

bolš čytanych navin
bolš łajkanych navin

Kibierpartyzany i chakiery Silent Crow uzłamali «Aerafłot». Jany atrymali danyja pra ŭsie pieraloty

Kibierpartyzany i chakiery Silent Crow uzłamali «Aerafłot». Jany atrymali danyja pra ŭsie pieraloty

Hałoŭnaje
Usie naviny →

Zaŭvaha:

 

 

 

 

Zakryć Paviedamić