Pry padrychtoŭcy da pieršaha čytańnia prajekta zakona «Ab uniasieńni źmianieńniaŭ i dapaŭnieńniaŭ u Zakon Respubliki Biełaruś «Ab achovie zdaroŭja» nie ŭźnimajecca pytańnie ab tym, kab zrabić dzionnyja stacyjanary płatnymi.Ab hetym siońnia zajaviŭ, adkazvajučy na pytańni žurnalistaŭ, staršynia Pastajannaj kamisii pałaty pradstaŭnikoŭ pa achovie zdaroŭja, fizičnaj kultury, siamiejnaj i maładziožnaj palitycy Alaksandr Cacocha.
«Razmova idzie ab uzakonieńni dzionnych stacyjanaraŭ, ab prymianieńni lekavych srodkaŭ, abstalavańnia i hetak dalej. Ale niama razmovy ab płatnych stacyjanarach», — skazaŭ parłamientaryj.
Płanujecca ŭnieści źmianieńni ŭ 35 artykułaŭ zakona.«U abmierkavańni zakonaprajekta vielmi aktyŭna ŭdzielničaje hramadskaść i zacikaŭlenyja viedamstvy», — dadaŭ staršynia kamisii. Deputat źviarnuŭ uvahu, što bolš za ŭsio hramadskaść cikaviać papraŭki ŭ art.36 i 37, jakija datyčacca štučnaha pieraryvańnia ciažarnaści i sterylizacyi.
Što ž datyčycca nie mienš aktualnaha pytańnia ab mahčymym uviadzieńni normy pa kampiensacyi zatrat na lačeńnie, kali čałaviek nanios sabie škodu pry ŭžyvańni ałkaholu abo pryjomie narkotykaŭ, to pakul rana havaryć ab niejkich detalach.Miechanizm kampiensacyi jašče tolki prapracoŭvajecca. «Pakul rana havaryć ab hetych miechanizmach, pakolki heta taki znakavy i surjozny artykuł. U jakim vyhladzie jon budzie, možna budzie skazać tolki tady, kali my atrymajem voś hety miechanizm», — rastłumačyŭ deputat. Raspracoŭkaj miechanizmu zajmajecca Saŭmin.
Akramia taho, papraŭki ŭ zakon zakranuć i doktarskuju tajnu.«U pryvatnaści, krychu pašyrajecca pradastaŭleńnie infarmacyi», — skazaŭ Alaksandr Cacocha. Pavodle jaho słoŭ, razmova idzie ab zapytach vajenkamataŭ i śledčych orhanaŭ (u vypadku ŭzbudžeńnia kryminalnaj spravy), ab niaščasnych vypadkach na vytvorčaści i h.d.
Deputat taksama adznačyŭ, źviartajučysia da žurnalistaŭ: «Našy ŚMI časam uvodziać vybarščykaŭ u zman, kali havorać, što deputaty pajšli na kanikuły. Niama takich kanikułaŭ u mižsiesijonny pieryjad. My pradaŭžajem pracavać».
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary