3 žniŭnia rasijskaja spartovaja inicyjatyva nie zmahła pravieści svaje spabornictvy ŭ biełaruskaj stalicy.
Pra zabaronu mierapryjemstva jaho arhanizataram stała viadoma tolki ŭ samy apošni momant — u subotu ranicaj.
Pieršapačatkova na praviadzieńnie turniru byli dazvoły ad fiederacyi rukapašnaha boju Biełarusi i ŭpraŭleńnia milicyi Pieršamajskaha rajona. Pra heta inicyjatyva paviedamlaje na svajoj staroncy Vkontaktie.
Jak ličać arhanizatary, minskija milicyjaniery paličyli što «turnir — heta nie śviata sportu, a nacyscki šabaš».
Sa słovaŭ vidavočcaŭ, kala miesca praviadzieńnia bajoŭ byli zaŭvažnyja aŭtobusy sa śpiecnazam.
Mierapryjemstva pasprabavali pieranieści ŭ inšaje miescy, adnak paŭnavartasnaha turniru tak i nie adbyłosia. Atrymałasia pravieści tolki 3 bai.
Adznačym, što inicyjatyvu White Rex u internecie abvinavačvajuć u nieanacysckich schilnaściach. Na adnym ź ich turniraŭ biŭsia, da prykładu, dobra viadomy ŭ Minsku nieanacyst Maksim «Ciasak» Marcinkievič.
Kamientary