I dadatkova dali 20 bazavych vieličyń štrafu.
Siońnia ŭ Baranavickim rajonnym sudzie byŭ pakarany administracyjnym aryštam i štrafam moładzievy lider Pavał Sieviaryniec. Jon byŭ zatrymany ranicaj la sudu, u jakim sudziać Jarasłava Hryščeniu.
Paŭłu inkryminavali parušeńnie troch puntkaŭ administracyjnaha kodeksu: drobnaje chulihanstva («śvistaŭ u śvistok», pavodle słovaŭ supracoŭnikaŭ milicyi), jaho taksama abvinavacili ŭ arhanizacyi niesancyjanavanaha pikietavańnia pad budynkam suda i supracivie milicyi.
Takim čynam Pavał Sieviaryniec asudžany na 17 sutak: dvoje sutak dali za «śvistok», 15 — za arhanizacyju niesankcyjanavanaj akcyi. Pakarali taksama štrafam u 20 bazavych vieličyniaŭ (620 tys. rubloŭ) — za supraciŭ milicyi.
Nahadajem, što heta ŭžo trecija administracyjnyja sutki Paŭła paśla taho, jak jon u pačatku červienia vyzvaliŭsia z «chimii» ŭ Połackim rajonie. Napiaredadni 27 lipienia — uhodkaŭ pryniaćcia Deklaracyi ab dziaržaŭnym suverenitecie — jon byŭ schopleny la stancyi metro «Puškinskaja» razam z A. Šeinym. Pry vobšuku ŭ chłopcaŭ znajšli ŭlotki, što zaklikali pryjści na akcyju. Pavał byŭ asudžany na 15 sutak. Vyjšaŭ na volu 7 žniŭnia.
20 žniŭnia jon byŭ zatrymany ŭ Bieraści padčas prezentacyi svajoj knihi «Listy ź lesu». Za arhanizacyi niesankcyjanavanaha mierapryjemstva Pavał byŭ asudžany na 15 sutak i vyjšaŭ na volu 4 vieraśnia.
Ciapier novy termin.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim16
Kamientary