Lidar kampanii «Naš dom» nieadnaznačna vykazałasia ab svaim udziele ŭ prezidenckich vybarach.
U subotu 24 žniŭnia Volha Karač praviała
Šmat uvahi było nadzielena kampanii «Jeŭraramont», što abviaściŭ «Naš dom». Karač padkreśliła, što heta hramadzianskaja, a nie palityčnaja kampanija. «My nie stavim palityčnych metaŭ», — skazała Volha.
Karač pasprabavała abvierhnuć čutki, što jana ciapier nie žyvie ŭ Biełarusi, a za miažoj. «Ja ŭ Vilni nie žyvu, i mianie tut nichto nie ŭtrymlivaje. U nas jość ofis u Vilni, tolki tamu, što niekatoryja rečy nielha rabić u Biełarusi, bo budzie pobač šmat milicyi i śpiecsłužb. Ja nie pražyvaju na terytoryi zamiežnaj dziaržavy».Na pytańnie, chto kamanda kampanii «Naš dom» Volha Karač adkazała, što «heta nieraŭnadušnyja ludzi». Potym pieraličyła proźviščy Ščukina, Levinava, Aksionava, Pietrušenki.
Adnosna raźmiaščeńnia rasiejskaj vajskovaj bazy na terytoryi Biełarusi byŭ nastupny adkaz: «Mahčyma być niezaležnym, tolki, kali niezaležny ekanamična. Treba być česnymi, što siońnia Biełaruś ekanamična zaležyć ad Rasii.
Kali padymajem pytańnie pra vajskovyja bazy, to heta pytańnie drusnaje. Pieršasnaje, jak zrabić, kab biełaruskaja ekanomika stała samastojnaj. Siońnia Biełaruś, jak adzin viadomy pradmiet u pałoncy, to nas prybivaje da Jeŭrasajuza, to — da Rasii.Nam treba vypracavać adzinaje bačańnie, adzinuju sistemu. Kab nie było tak, što siońnia vyhaniajem, zaŭtra — viartajem, paślazaŭtra — znoŭ vyhaniajem».
Adnosna svaich prezidenckich ambicyj Volha pasprabavała syści ad adkazu.
«Jašče 2013 hod, a nie2015-y . Usio vielmi zaležyć ad žadańnia biełaruskaha naroda i padtrymki naroda. Usio, što my robim heta nie dla prezidenckaj kampanii. „Jeŭraramont“ nie pačatak prezidenckaj kampanii».
«Kali b ja zachacieła zarabić, to źjechała b u Jeŭrasajuz ci Rasiju. U mianie jość peŭnyja idei, jakija b ja chacieła realizavać u žyćci. Mnie važna, što budzie ź Biełaruśsiu praz 100 hadoŭ.
Siońnia situacyja takaja, što praz 100 hadoŭ nie zastaniecca nivodnaha pradstaŭnika biełaruskaj nacyi. A mnie chaciełasia, kab praz 100 hadoŭ, kali nas nie budzie ŭ žyvych, Biełaruś była bahataj, pavažanaj dziaržavaj. Ja chaču, kab takaja prahrama była stvoranaja. Ja nie chaču žyć dziela šmotak, ci mašyn. Heta prosta niecikava. Davajcie padumajem, što zastaniecca paśla nas», skazała Volha.
Naprykancy anłajna pryjšła nastupnaje pytańnie: «Bolšaść nasielnictva našaj krainy nie zdolnaja dziejničać i myślić samastojna. Kab ich abjadnać patrebny mocny lidar. Ci hatovyja vy im stać?»
«Tak, hatovaja», — byŭ adkaz.
Karač jašče prapanavali pamaryć, jakija pieršyja kroki jana zrabiła, kab stała prezidentam: «1. Ekanamičnuju reformu (pryčym nie ŭdavałasia asabliva ŭ padrabiaznaści, u čym jana budzie zaklučacca) 2. Zabieśpiačeńnie svabody słova 3. Źmieny ŭ vybarčym zakanadaŭstvie».
Kamientary