U rajonie HD «Ždanovičy» ŭstanoŭleny pieršyja ŭ Minsku delinijatary
Na vulicy Cimirazieva ŭ Minsku ŭstanoŭleny pieršyja ŭ horadzie delinijatary — kanstrukcyi, jakija adździalajuć asnoŭnaje darožnaje pałatno ad vydzielenaj pałasy dla hramadskaha transpartu, paviedamili va ŭpraŭleńni DAI HUUS Minharvykankama.
Pakul u jakaści ekśpierymientu delinijatary źjavilisia ŭ rajonie HD «Ždanovičy». Mienavita tut z pačatku hetaha hoda inśpiektary darožna-patrulnaj słužby adździeła DAI Centralnaha rajona stalicy zarehistravali 515 parušeńniaŭ vadzicielami praviłaŭ spynieńnia i stajanki transpartnych srodkaŭ.
Płanujecca, što z ukaranieńniem hetych prystasavańniaŭ na prajeznaj častcy aŭtaamatary buduć radziej parušać PDR i dastaŭlać mienš prablem kiroŭcam hramadskaha transpartu.
Delinijatary vykarystoŭvajucca ŭ jakaści darožnaj raźmietki — jany raździalajuć i pieranakiroŭvajuć aŭtatranspartnyja patoki (jak raździalalniki pałos ruchu), akreślivajuć vydzielenyja pałosy dla hramadskaha transpartu, padjezdy da niebiaśpiečnaha ŭčastka. Ich taksama ŭstanaŭlivajuć na parkoŭkach dla vydzialeńnia miescaŭ stajanki.
Kamientary