Siabry niamieckaha parłamienta, vice-prezident Bundestaha Katryn Hierynh-Ekart i kaardynatar u pytańniach uschodniaj palityki Maryłuiza Bek zrabili sumiesnuju zajavu ŭ suviazi z uručeńniem biełaruskamu pravaabaroncu Alesiu Bialackamu premii imia Vacłava Haŭła.
Jany pavinšavali kiraŭnika pravaabarončaha centra «Viasna», a taksama zaklikali biełaruskija ŭłady vyzvalić Bialackaha i dzieviać inšych biełaruskich palitviaźniaŭ, jakija ciapier utrymlivajucca za kratami.
Jak havorycca ŭ zajavie, Aleś Bialacki — «daŭni prychilnik jeŭrapiejskaj Biełarusi», krainy, dzie ŭsio pavinna być zasnavanaje «na pavazie da demakratyi i pravoŭ čałavieka». «Jaho źniavoleńnie, jakoje ciahniecca bolej za dva hady, jość prykładam biaźlitasnaha pieraśledu hramadzianskaj supolnaści ŭ Biełarusi dyktataram Łukašenkam. Z dapamohaj stalinskich mietadaŭ režym sprabavaŭ stvaryć atmaśfieru strachu i takim čynam zatknuć rot krytykam».
Adznačajecca, što ŭsio heta, adnak, nie moža być biaskoncym, bo najbolš prablemnyja aśpiekty ŭ ekanomicy krainy zaležać ad supracoŭnictva ź ES. Zbližeńnie ž pamiž ES i Minskam «moža być dasiahnutaje tolki pry vyzvaleńni ŭsich palitviaźniaŭ i ažyćciaŭleńni krokaŭ u kirunku demakratyčnaj adkrytaści krainy».
U zajavie taksama havorycca pra adkaznaść ES za tyja «trahičnaja abstaviny», jakija paspryjali prysudu Bialackamu na 4,5 hoda pazbaŭleńnia voli.
ES pavinien adkazać na vyklik i «padtrymać hramadzianskuju supolnaść nie tolki palityčna i finansava, ale i adaptavać hetuju padtrymku da ŭmovaŭ isnavańnia hramadzianskaj supolnaści pry dyktatury. Aktyvisty biełaruskaj apazicyi časta vymušanyja pracavać nielehalna, tamu nielha pahadzicca z tym, što ES choča zrabić svaju padtrymku zaležnaj ad aficyjnaj rehistracyi arhanizacyj i takim čynam vyklučyć pravaabarončy centr “Viasna”. Pryncypy finansavańnia biełaruskich niaŭradavych arhanizacyjaŭ pavinnyja być vyprabavanyja ŭ terminovym paradku».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»14
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary