Jarmošyna pra mahčymy prodaž «Biełaruśkalija»: Takoje niavarta vyrašać na refierendumie
«Heta ŭsio adno što na pradpryjemstvie pravodzić refierendum z nahody taho, ci pavinien dyrektar niešta pradavać».
Staršynia CVK Lidzija Jarmošyna dała intervju «Kamsamolskaj praŭdzie» z nahody źmienaŭ u vybarčaje zakanadaŭstva.
Ciapier nie budzie dazvolena vynosić na refierendum pytańni, datyčnyja mytaŭ i zboraŭ.
Jašče raniej było zabaroniena ŭsienarodna vyrašać biudžetnyja pytańni.
«Cikava, budaŭnictva AES ci prodaž bujnoha pradpryjemstva, naprykład, Biełaruśkalija, da biudžetnych pytańniaŭ adnosicca?», - spytała žurnalistka «Kamsamołki».
U adkazie Jarmošyna vykarystała jarkaje paraŭnańnie:
«Hetyja pytańni, viadoma, nie adnosiacca da zabaronienych. Ale kali pra heta pytacca, my źviažam ruki ŭradu. Usio adno što na pradpryjemstvie pravodzić refierendum z nahody taho, ci pavinien dyrektar niešta pradavać. Nie vyrašaje jon heta z pracoŭnym kalektyvam».
Adroźnieńnie apisanych situacyj u tym, što na pradpryjemstvie dyrektar albo pryznačany ŭłaśnikami kampanii, albo sam źjaŭlajecca ŭłaśnikam. Pracoŭny kalektyŭ - naniatyja im ludzi.
A ŭ dziaržavie prezident - heta čałaviek, delehavany tym samym «pracoŭnym kalektyvam», kab adstojvać intaresy ludziej.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary