Za miesiac čystyja zamiežnyja aktyvy bankaŭskaj sistemy źmienšylisia ŭ 12 razoŭ i nablizilisia da nula
Da kanca kastryčnika jany skociacca na admoŭny ŭzrovień.
Čystyja zamiežnyja aktyvy bankaŭskaj sistemy ličacca adnym z najvažniejšych indykataraŭ zdaroŭja biełaruskaha finansavaha rynku.
Heta roźnica pamiž usimi «bahaćciami» bankaŭ — zołatam, zamiežnymi depazitami, kaštoŭnymi papierami — i abaviazalnictvami pierad zamiežžam.
U Biełarusi apošnich hadoŭ prablemy ŭźnikajuć, jak tolki ŭzrovień hetych aktyvaŭ padaje nižej za $2 miljardy.
Upieršyniu heta zdaryłasia ŭ pačatku 2009 i adlustravałasia ŭ 20%-naj devalvacyi rubla. Pryčym ekanomiku hajdała ŭvieś hod.
Na miažy $2 miljardaŭ čystyja zamiežnyja aktyvy bankaŭskaj sistemy vahalisia i letam 2010, kali ŭ dziaržavy časam brakavała hrošaj navat na toje, kab raspłacicca za haz.
Krutoje pikie čakała ekanomiku ŭ 2011. Aktyvy skacilisia za «nieabchodny pakazčyk» jašče za dva miesiacy da prezidenckich vybaraŭ. U mai 2011 jany składali katastrafičnyja -$2,5 miljarda.
I voś ciapier indykatar sihnalizuje pra niebiaśpieku čarhovaha abvału. Prablemy pačalisia jašče hod tamu, adnak paduška biaśpieki dazvalała nie zaŭvažać ich. Apošnija miesiacy aktyvy skaračalisia na $500—600 miljonaŭ štomiesiac.
A ŭ vieraśni padzieńnie dasiahnuła $850 miljonaŭ!
U vyniku čystyja zamiežnyja aktyvy bankaŭskaj sistemy apuścilisia da $76 miljonaŭ. Kali dynamika nie źmienicca, to jany ŭžo ŭ hetym miesiacy apynucca na admoŭnym uzroŭni.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi7
Kamientary