U vioscy Łotva Škłoŭskaha rajona ŭ vyniku načnoha pažaru zhareli try mužčyny. Pa padazreńni ŭ padpale zatrymana žycharka vioski Michajłaŭ Škłoŭskaha rajona.
Pavodle infarmacyi Mahiloŭskaha abłasnoha ŭpraŭleńnia MNS i UUS Mahiloŭskaha abłvykankama, pažar adbyŭsia ŭ noč na 20 kastryčnika. Zahareŭsia adnapaviarchovy draŭlany dom, u jakim u momant uzharańnia znachodzilisia, jak miarkujecca, haspadar doma 1972 hoda naradžeńnia, jaki žyŭ razam sa svaim bratam 1963 hoda naradžeńnia, prapisanym u Mahilovie, a taksama ich hość, 29-hadovy miascovy žychar.
Pakul hienietyčnaja ekśpiertyza dakładna nie ŭstanaviła asoby zahinułych, paviedamiła aficyjny pradstaŭnik USK pa Mahiloŭskaj vobłaści Aksana Salaniuk.
Akramia taho, pakul nie ŭstanoŭlena i sapraŭdnaja pryčyna pažaru.
Razam z tym užo viadoma, što dom zahareŭsia znutry, adznačyła Salaniuk. Taksama, pavodle danych śledstva, usie troje razam vypivali i ź imi była 43-hadovaja žančyna. Mienavita jana i zatrymana ciapier jak padazravanaja va ŭčynieńni złačynstva na padstavie artykuła «naŭmysnyja źniščeńnie abo paškodžańnie majomaści». Kryminalnaja sprava pa ŭkazanym artykule była raspačata 21 kastryčnika Škłoŭskim rajonnym adździełam SK.
Zatrymanaja pakul nie ŭ stanie raskazać pra detali zdareńnia z pryčyny mocnaha ałkaholnaha apjanieńnia.
Pavodle słoŭ Salaniuk, mahčyma, heta žančyna, jakaja złoŭžyvaje śpirtnym, naohuł nie maje nijakaha dačynieńnia da pažaru. «Vinavacić kahości my nie možam, tamu što ŭ nas niama dokaznaj bazy», — adznačyła pradstaŭnik USK.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary